Մասիս Մայիլյանը կնշանակվի ԱՀ արտաքին գործերի նախարար
29 մայիսի, 2020, Քաղաքական
Արցախի Հանրապետության Նախագահ Արայիկ Հարությունյանն այսօր ուղիղ եթերի ընթացքում անդրադարձել է կառավարության ձևավորման աշխատանքների շրջանակում կադրային նոր նշանակումներին:
ՍՏԵՓԱՆԱԿԵՐՏ, 29 մայիսի, ԱՐՑԱԽՊՐԵՍ: «Արցախպրես»-ի թղթակցի փոխանցմամբ՝ իր խոսքում Արայիկ Հարությունյանը նշել է, որ արտաքին գործերի նախարարի պաշտոնում կնշանակվի գերատեսչության ներկայիս ղեկավար Մասիս Մայիլյանը:
«Կցանկանայի ընդգծել, որ ես համագործակցության կոչ եմ արել բոլոր քաղաքական ուժերին, և Մասիս Մայիլյանն ընդունել է իմ առաջարկը: Քանիցս նշել եմ, որ մեր հարաբերությունները միշտ էլ եղել են ջերմ, և այս փուլում կարևոր եմ համարում նրա հետ համագործակցությունը:
Սա, իհարկե, չի նշանակում, որ մենք քաղաքական առևտուր ենք արել: Ընդհակառակը՝ հաշվի առնելով այն մարտահրավերները, որոնք այսօր կան, մենք համաձայնվել ենք միասին ստանձնել մեր երկրի պատասխանատվությունը»,- ավելացրել է Ա. Հարությունյանը:
artsakhpress.am/arm/news/126892/masis-mayilyany-knshanakvi-ah-artaqin-gortseri-nakharar.html
