Տինքի Այրիին Եւ Հիմնադրամին Սպառնացած Անձը Գործած Է Ազրպէյճանցիի Թելադրանքով
03 ՅՈՒՆԻՍ 2020 – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ
Պապաջան. «Պիտի Պաշտպանենք Խտրականութեան Ու Ցեղապաշտութեան Դէմ Որեւէ Քայլ Եւ Մինակ Պիտի Չձգենք Ընկերները»
Թուրքիոյ տնտեսութեան եւ արտաքին գործոց նախկին նախարար Ալի Պապաջան իր աջակցութիւնը յայտնած է Հրանդ Տինքի այրիին եւ «Հրանդ Տինք» հիմնադրամին` վերջերս անոնց ուղղուած մահուան սպառնալիքներուն համար: Այս մասին կը հաղորդէ թրքական «Կազեթետուվար» կայքը:
«Հրանդ Տինք» հիմնադրամին ուղղուած սպառնալիքները խտրականութիւնը խթանող քաղաքական մթնոլորտի հետեւանք են: Պիտի պաշտպանենք խտրականութեան ու ցեղապաշտութեան դէմ որեւէ քայլ եւ մինակ պիտի չձգենք ընկերները», թուիթըրեան իր էջին վրայ գրած է թրքական քաղաքական կեանք վերադառնալու յայտ ներկայացուցած Ժողովրդավարութիւն եւ յառաջընթաց կուսակցութեան ղեկավար Պապաջան:
Օրեր առաջ անծանօթ անձ մը Հրանդ Տինք հիմնադրամին կոչ ուղղած էր «եղբայրութեան հեքիաթներէն» հրաժարելու եւ անյապաղ լքելու երկիրը, իսկ Ռաքել Տինքին եւ հիմնադրամի փաստաբանին ե-նամակով «գիշեր մը յանկարծակի կրնաք գալ» բովանդակութեամբ նամակ ուղարկած էր: Այդ արտայայտութիւնը շատ օգտագործուած է եւ կ՛օգտագործուի թուրքերու կողմէ: Հրանդ Տինքը սպաննելէ առաջ նոյնպէս նման տողերով հաղորդագրութիւն ուղարկած էին: Թուրքիոյ նախագահ Ռեճեփ Թայիփ Էրտողանն ու թուրք բարձրաստիճան անձեր Սուրիա եւ Իրաք ներխուժելէ առաջ նոյնպէս նման սպառնալիքներ տարածած էին:
Ռաքել Տինքին եւ հիմնադրամին սպառնացած անձը արդէն ձերբակալուած է: Ի յայտ եկած է, որ յանցագործը գործած է ազրպէյճանցի սիրեցեալի ազդեցութեան տակ եւ յորդորով:
aztagdaily.com/archives/474149
