Արցախը Օգնութիւն Պիտի Ուղարկէ ԱՄՆ-ին COVID-19-ի Դէմ Պայքարի Համար
30 ՅՈՒՆԻՍ 2020 – ԵԿՈՒՈՐ ՔՈՉՈՒՈՐ ԹՈՒՐՔԵՐԸ ԵՒ ՄԵՆՔ ՀԱՅԵՐՍ:
Արցախի ժողովուրդին անունով Արցախի մէջ արտադրուած բժշկական նշանակութեան պարագաներ պիտի ուղարկուին Ամերիկայի Միացեալ Նահանգներու Քալիֆորնիա նահանգ՝ «քորոնա» ժահր համավարակին դէմ պայքարի համար: Այս մասին ԵՌԱԳՈՅՆ-ը կը տեղեկանայ Արցախի Հանրապետութեան Ազգային ժողովի «Արցախի ժողովրդավարական կուսակցութիւն» խմբակցութեան ղեկավար Դաւիթ Մելքումեանի Facebook-ի էջէն:
«Մեծ սիրով կը տեղեկացնեմ, որ պետական համապատասխան կառոյցներու ղեկավարներու՝ խորհրդարանի նախագահի, պետական նախարարի, ԱԳ նախարարի հետ կառուցողական քննարկումներու իբրեւ արդիւնք եկանք համաձայնութեան Արցախի ժողովուրդին անունով Արցախի մէջ արտադրուած բժշկական նշանակութեան պարագաներ ուղարկելու Քալիֆորնիա նահանգ՝ օգնելու ԱՄՆ բարեկամ ժողովուրդին եւ մեր հայրենակիցներուն «քորոնա» ժահր համավարակի դէմ պայքարին մէջ»,- գրած է պատգամաւորը:
Մելքումեան նշած է, որ օգնութիւնը կը կրէ խորհրդանշական բնոյթ, բայց ատով՝ Արցախի Հանրապետութիւնը՝ իր հնարաւորութիւններու սահմաններուն մէջ՝ կը միանայ COVID-19 համավարակի դէմ համաշխարհային պայքարին։
yerakouyn.com/2020/06/30/արցախը-օգնութիւն-պիտի-ուղարկէ-ամն-ին-covid-19/
