Արցախ – Քաշաթաղի Շրջանին Մէջ Բազմազաւակ Ընտանիքներու Համար Առանձնատուներ Կը Կառուցուին

Արցախ – Քաշաթաղի Շրջանին Մէջ Բազմազաւակ Ընտանիքներու Համար Առանձնատուներ Կը Կառուցուին

03 ՅՈՒԼԻՍ 2020 – ԵԿՈՒՈՐ ՔՈՉՈՒՈՐ ԹՈՒՐՔԵՐԸ ԵՒ ՄԵՆՔ ՀԱՅԵՐՍ:

Բազմազաւակ ընտանիքներու բնակարանային պայմանները բարելաւելու նպատակով Արցախի կառավարութեան ֆինանսաւորմամբ` Քաշաթաղի շրջանին մէջ 2020-ին սկսած են 43 բազմազաւակ ընտանիքներու համար առանձնատուներու կառուցման աշխատանքները:

Այս մասին՝ ըստ «Արցախփրես»-ի՝ ըսած է Քաշաթաղի շրջկեդրոնի ղեկավարի օգնական Իննա Բաբայեան: Անոր խօսքով` վերջերս Քաշաթաղի շրջանի վարչակազմի ղեկավար Արտիոմ Սարիբէկեանի` երկրի Նախագահ Արայիկ Յարութիւնեանի հետ հանդիպման ժամանակ քննարկուած են շրջանի ենթակառուցուածքներու զարգացման խնդիրները, որոնցմէ կարեւոր համարուած է բնակարանաշինութիւնը:

«Քաշաթաղի շրջանին մէջ ներկայիս կը բնակի 90-է աւելի բազմազաւակ ընտանիք: Այս տարի 23 ընտանիքի բնակարաններու շինարարութեան համար արդէն պատուիրուած են նախագիծեր եւ նախահաշիւներ: 20-ի համար տեխնիկական պայմանները ընթացքի մէջ են: Բազմազաւակ ընտանիքներու համար բնակարաններ կառուցելու ծրագիրով շրջանի համայնքներու մէջ կը կատարուի հողայատկացում, կ՛որոշուին ջրամատակարարման եւ ջրահեռացման հարցերը:

Շրջանի հիւսիսային թեւի Հակի եւ Սոնասարի գիւղական համայնքներու բազմազաւակ ընտանիքներուն համար նոյնպէս այս տարի բնակելի տուներ պիտի կառուցուին:

Հակի մէջ հողայատկացում կատարուած է 3 բազմազաւակ ընտանիքի համար:

Սոնասարի մէջ 6 երեխայ ունեցող 1 ընտանիքի համար տան կառուցումը պիտի աւարտ 3-4 ամիսէն:

Նոյն համայնքին մէջ 5 երեխաներ ունեցող 1 ընտանիքի եւս յատկացուած է հողատարածք, որու շինարարական գործընթացը պիտի սկսի շուտով»,-մանրամասնած է Բաբայեան:

yerakouyn.com/2020/07/03/քաշաթաղի-շրջանին-մէջ-բազմազաւակ-ընտա/