Սեւրի դաշնագիրը ստորագրած պետութիւններու երիտասարդական քաղաքական կազմակերպութիւնները՝ հայ ժողովուրդի հատուցման կոչ կ՝ուղղեն Թուրքիոյ

Սեւրի դաշնագիրը ստորագրած պետութիւններու երիտասարդական քաղաքական կազմակերպութիւնները՝ հայ ժողովուրդի հատուցման կոչ կ՝ուղղեն Թուրքիոյ

17 ՕԳՈՍՏՈՍ 2020 – ՆՈՐՈՒԹՅՈՒՆՆԵՐ: – ԾՐԱԳԻՐ – ՈՐՈՇՈՒՄ:

Հ.Յ.Դ. Բիւրոյի Երիտասարդական Գրասենեակը Սեւրի Դաշնագիրի ստորագրութեան հարիւր ամեակին առիթով` նախաձեռնեց դաշնագիրը ստորագրած պետութիւններու՝ ընկերվար երիտասարդական միութիւններու հետ համատեղ յայտարարութեան հրապարակման, որ ստորեւ կը նեկայացնենք.

Միացեալ յայտարարութիւն նուիրուած՝ Սեւրի դաշնագիրի հարիւր ամեակին

Սեւրի դաշնագիրը կը հանդիսանայ իրաւական միջազգային միակ փաստաթուղթը, որ կ՛ապահովէ Հայոց Ցեղասպանութեան արդար հատուցումը: Դաշնագիրը ստորագրուած է Առաջին Համաշխարհային Պատերազմէն յետոյ՝ 1920-ին, Փարիզի խաղաղութեան վեհաժողովի ընթացքին՝ Դաշնակից ուժերու և Թուրքիոյ միջեւ:

Հիմք ընդունելով այն բանաձեւը, որ միաձայնութեամբ ընդունուած է Երևանի մէջ՝ Ընկերվարական Երիտասարդական Միջազգային Միութեան (ԸԵՄՄ/IUSY) համաշխարհային խորհուրդի ժողովին (2015), որ կը դատապարտէ Օսմանեան կայսրութեան կողմէ իրականացած Հայոց Ցեղասպանութիւնը.

Մենք՝ Սեւրի դաշնագիրը ստորագրած երկիրներու կամ անոնց իրաւայաջորդ պետութիւններու ընկերվարական և ընկերվար-ժողովրդավարական երիտասարդական կազմակերպութիւններ, կը վերահաստատենք Սեւրի պայմանագիրի կարեւորութիւնը եւ կոչ կ՛ուղղենք Թուրքիոյ՝ ձեռնարկել Հայոց Ցեղասպանութեան հետեւանքներու վերացման քայլեր եւ սկսիլ հայ ազգի իրաւունքներու վերականգման գործընթացին:

Մենք համոզուած ենք, որ այս մէկը երկու երկիրներու ժողովուրդներուն միջեւ փոխվստահութիւն նաեւ տարածաշրջանին մէջ խաղաղութիւն հաստատելու միակ միջոցն է:

Յայտարարութիւնը ստորագրուած է հետեւեալ երիտասարդական կազմակերպութիւններու կողմէն.

Պելճիքա – Երիտասարդ Ընկերվարներ
Պելճիքա – Ընկերվար Երիտասարդներու Շարժում
Թուրքիա– Ժողովուրդներու Ժողովրդավարական Կուսակցութեան Երիտասարդական
Իտալիա – Երիտասարդ ժողովրդավարներ
Լեհաստան – Երիտասարդ Ընկերվար Ժողովրդավարներու Միութիւն
Քրուաթիա – Քրուաթական Ընկերվար Ժողովրդավարական Երիտասարդներ
Գանատա – Գանատայի Նոր Ժողովրդավար Երիտասարդներ
Հայաստան– Հ.Յ.Դ. Երիտասարդական- Հ.Յ.Դաշնակցութեան Երիտասարդական Միութիւն
Յունաստան – Համայունական Ընկերվարական Շարժում- ՊԱՍՈԿ Երիտասարդական
Հնդկաստան – Երիտասարդ Քուէարկողներու Կուսակցութիւն
Հիւսիսային Մակեդոնիոյ Հանրապետութիւն– Մակեդոնիոյ Ընկերվար Ժողովրդավար Երիտասարդներ
Նոր Զելանտիա – Նոր Զելանտիոյ Երիտասարդ Աշխատաւորականներ
Չեխիա – Երիտասարդ Ընկերվար Ժողովրդավարականներ
Փորթուկալ – Երիտասարդ Ընկերվարականներ
Սերպիա – Ազատութիւն Եւ Արդարութիւն Կուսակցութեան Երիտասարդներ
Սլովենիա – Ընկերվար Ժողովրդավարականներու Երիտասարդական Ֆորում
Ֆրանսա – Ընկերվար Երիտասարդներու Շարժում

-Youth Political Organizations from Treaty of Sevres Signatory Countries Call on Turkey to Pay Reparations to the Armenian People

–Молодежные политические организации государств, подписавших Севрский Договор, призывают Турцию возместить ущерб армянского народа

-Les organisations de jeunesse politiques des pays signataires du traité de Sèvres appellent la Turquie à obtenir des réparations pour le peuple arménien

-Organizações juvenis socialistas e social-democratas de países que assinaram o Tratado de Sèvres apelam à Turquia por reparações ao povo armênio

-Declaración conjunta en el Centenario del Tratado de Sevres

-Οι Πολιτικές Νεολαίες των σοσιαλιστικών και σοσιαλδημοκρατικών Κομμάτων των χωρών που έχουν υπογράψει τη Συνθήκη των Σεβρών, καλούν την Τουρκία σε δίκαιες επανορθώσεις υπέρ του Αρμενικού λαού.

-Sevr Antlaşması’nı imzalayan devletlerin siyasi gençlik örgütlerinden Türkiye’ye Ermeni halkına tazminat ödeme çaǧrısı

المنظمات السياسية الشبابية للدول الموقعة على معاهدة سيفر تطالب تركيا بتعويض الشعب الأرمني-

سازمان های جوانان سوسیالیست وسوسیال دمکرات کشورهای امضا کننده ی پیمان ســِور از دولت-–

arfd.am/news/29318/?lang=arm