Արցախում ադրբեջանցի ռազմագերուն բուժօգնություն է ցուցաբերվում, նա վիրահատվել է

October 16, 2020 Lousavor Avedis Աշխարհ, Արեւմտեան Հայաստան, Հայաստան, Սփիւռք 0

Ադրբեջանցի ռազմագերի Յուլսիյվ Նուռադին Բախտիյարօղլուին — Azerbaijani prisoner of war Yulsiv Nuradin Bakhtiyaroglu was provided with appropriate medical care in Artsakh.

Post Views: 318

Արցախում ադրբեջանցի ռազմագերուն բուժօգնություն է ցուցաբերվում, նա վիրահատվել է

16 Հոկտեմբեր, 2020

ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանցի ռազմագերի Յուլսիյվ Նուռադին Բախտիյարօղլուին Արցախում համապատասխան բուժօգնություն է ցուցաբերվել:

Արցախի Մարդու իրավունքների պաշտպան Արտակ Բեգլարյանը «Արմենպրես»-ի հետ զրույցում նշեց, որ ըստ անհրաժեշտության ռազմագերիներին ցուցաբերվում է մարդասիրական բուժօգնություն ու վերաբերմունք:

«Նրան մարդասիրական կանոններին, միջազգային իրավունքին ու մեր ներպետական օրենսդրությանը համապատասխան բուժօգնություն ու մարդասիրական վերաբերմունք է ցուցաբերվում: Նա ըստ կարիքի վիրահատվել է, և ոչ միայն ինքը, մնացածին էլ համապատասխան բուժօգնություն է ցուցաբերվել ու ցուցաբերվում»,- նշեց Բեգլարյանը:

ԱՀ ՄԻՊ-ը հայտնեց, որ ինքը հետաքրքրվել է և համոզվել, որ ռազմագերու հետ համապատասխան աշխատանքներ են տարվում:

Ինչպես հայտնեցին «Արմենպրես»-ի աղբյուրներն Արցախից, վիրահատված ռազմագերու անունը Յուլսիյվ Նուռադին Բախտիյարօղլու է: Ռազմագերին արդեն 10 օր է, ինչ հիվանդանոցում է և ստանում է համապատասխան բուժօգնություն:

Հոկտեմբերի 15-ին սոցիալական ցանցերում տեսանյութ էր տարածվել, որտեղ Ադրբեջանի բանակի զինվորները գնդակահարում էին հայ ռազմագերիներին։

WAR CRIMES: AZERBAIJANI TROOPS TIE WITH FLAGS AND KILL TWO CAPTURED ARMENIANS

Արցախի Մարդու իրավունքների պաշտպան Արտակ Բեգլարյանը նույն օրն անդրադառնալով տեսանյութին, հայտարարել էր, որ այն Ադրբեջանի կողմից պատերազմական հանցագործության հերթական ապացույցն է:

Լիլիթ Դեմուրյան

armenpress.am/arm/news/1031785.html