Հայերը մեծ նվիրում ունեն իրենց երկրի հանդեպ. Թրամփ – Հայերը մեծ նվիրում ունեն իրենց երկրի հանդեպ. Թրամփ

Հայերը մեծ նվիրում ունեն իրենց երկրի հանդեպ. Թրամփ

19 Հոկտեմբեր, 2020

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ Նևադա նահանգի Քերսոն քաղաքում նախընտրական քարոզարշավի ժամանակ նախագահ Դոնալդ Թրամփն իր ելույթում անդրադարձել է հայերին և նշել, որ նրանք լավ մարդիկ են և լավ գործարարներ:

«Երբ ես գալիս էի այստեղ, ճանապարհին շատ հայեր տեսա՝ դրոշներով կանգնած: Ես նախանձում եմ նրանց ոգուն, քանի որ նրանք հզոր ոգի ունեն, նվիրված են իրենց երկրին»,-«Արմենպրես»-ի հաղորդմամբ՝ նշել է Թրամփը:

Նախագահը նաև ընդգծել է, որ աշխատանք է տարվում հայերի ուղղությամբ, սակայն չի հստակեցրել ասելիքը:

Քարոզարշավային կարճ այցի ընթացքում Թրամփին Լոս Անջելեսում ևս դիմավորել են բազմաթիվ հայեր, որոնք Հայաստանի և Արցախի դրոշները վեր պարզած խաղաղ ակցիա են իրականացրել ընդդեմ Ադրբեջանի և Թուրքիայի ագրեսիայի՝ կոչեր հնչեցնելով, «Հայաստանը Թրամփի կարիքն ունի» վանկարկումներով:

Աշխարասփյուռ հայերը արցախա-ադրբեջանական շփման գծում սեպտեմբերի 27-ից սկսված լայնածավալ մարտական գործողություններից հետո մոբիլիզացվում և նախաձեռնում են աննախադեպ բողոքի ակցիաներ՝ ընդդեմ Ադրբեջանի և Թուրքիայի ագրեսիայի ու հանուն Արցախի ճանաչման: Օրեր առաջ հայերը փակել էին Եվրոպայի միջպետական նշանակության տարբեր ավտոմայրուղիներ:

Լիլիթ Դեմուրյան

armenpress.am/arm/news/1032038.html