ՍՏԵՓԱՆԱԿԵՐՏ, 27 հոկտեմբերի, ԱՐՑԱԽՊՐԵՍ: Նշվում է, որ ցուցադրված տեսանյութերը վերլուծել են հատուկ լրագրողներ և աշխարհագրական դիրքի բացահայտման մասնագետներ, որոնք ապացուցել են վարձկանների ներկայությունը հակամարտության գոտում։

Առաջին տեսանյութը, որը թելեգրամյան հարթակում հայտնվել է սեպտեմբերի 25-ին, ցուցադրում է ուսումնական ճամբարում Ադրբեջան մեկնելուն պատրաստվող զինյալների։ Նշվում է, որ տեսանյութը նկարահանվել է Հալեպի հյուսիսային Հավար Քիլիս գյուղի մոտակա ռազմական ուսումնական ճամբարում, որը Թուրքիայի հետ Սիրիայի սահմանից ոչ հեռու է գտնվում։  Ճամբարը 2016 թվականին ստեղծվել է Սիրիական ազատ բանակի կողմից, իսկ դրա զինյալները հասցրել են 2017 թվականին Բաշար ալ-Ասադի ռեժիմի և «Իսլամական պետություն» խմբավորման դեմ պայքարել։

Տեսանյութը կարող եք դիտել այստեղ։

Սեպտեմբերի 27-ին հրապարակված երկրորդ տեսանյութում զինյալներն արդեն ժամանում են Ադրբեջան։ Մեքենանաների հետևամասում նստած զինյալները թափահարում են զենքերն ու թուրքերենով վանկարկում «Մարգարե Մոհամեդը մեզ ուղեկից»․ պատերազմական այս վանկարկումը մտազուգորդվում է Թուրքիայից աջակցություն ստացող Սիրիական ազգային բանակի հետ, որը Բաշար ալ Ասադի իշխանության դեմ պայքարելու համար 2011 թվականին ձևավորված Սիրիայի ազատ բանակի «ճյուղ» է համարվում։

Մասնագետների վերլուծության արդյունքում պարզվել է, որ տեսանյութը ԼՂ հակամարտության գոտում՝ Հորադիզ քաղաքի փողոցներում է նկարահանվել։

Իսկ ահա երրորդ տեսանյութում վարձկաններն արդեն Ադրբեջանում են և կոչ են անում մյուսներին նույնպես իրենց միանալ Հայաստանի դեմ պայքարին։ Տեսանյութը հոկտեմբերի 3-ին հրապարակվել է Հալեպի տեղական լրատվամիջոցներով։ Տեսագրության վերին աջ կողմում «Ադրբեջանում Սիրիական ազգային բանակ» գրությամբ հատուկ պատկերանիշ կա։ Մասնագետների խոսքով՝ տվյալ զինյալները «Սուլթան Մուրադ» դիվիզիայից են, որը թյուրքական ծագամբ Սիրիական ազգային բանակի դիվիզիա է համարվում։

Աղբյուրը նշում է, որ Մարդու իրավունքների մշտադիտարկման սիրիական կենտրոնի (SOHR) փոխանցմամբ՝ հոկտեմբերի 18-ի դրությամբ Ադրբեջանում սպանվել է մոտ 134 վարձկան, որոնցից 92-ի մարմիններն արդեն իրենց հայրենիք են վերադարձվել։

Կենտրոնի փոխանցմամբ՝ հակամարտության սկսվելուց հետո Սիրիայից Ադրբեջան առնվազն 2050 զինյալ է տեղափոխվել՝ հաճախ միանգամից 400 հոգանոց խմբերով։

Հետախուզական Intelligence Online հրատարակության համար Մերձավոր Արևելքում տեղի ունեցող գործողությունները լուսաբանող Ֆենի Ալարկոնի խոսքով՝ Թուրքիաի համար հակամարտություններում զինյալներ ներգրավրելը սովորական բան է, քանի որ վերջիններիս գինը բարձր չէ, և նրանց կարելի է հետագայում քրդական իշխանությունների դեմ օգտագործել։

Նշվում է, որ ԼՂ հակամարտությունում կռվելու համար այս վարձկանների հիմնական նպատակը վարձատրվելն է։ Նրանցից ոմանք անգամ անգամ չեն գիտակցում՝ ինչ են անում ռազմաճակատում, մյուսները պարզապես գիտեն, որ իրենց աշխատանքը կռվելն է։

ԼՂ հակամարտությանը Սիրիայից վարձկանների ներգրավվածության ևս մի ապացույց էլ հետևալ տեսանյութն է․ այն քննող Էլիզաբեթ Ցուրկովի խոսքով՝ դրանում 23-ամյա վարձկան Մուստաֆա Քանդին է, որին «Համզա» դիվիզան վարձել է Լիբիա ուղարկելու համար, սակայն վերջինս ի վերջո Ադրբեջանում՝ հայկական կողմից թափվող հուժկու կրակի տակ է հայտնվել։

Սիրիայից հրապարակված այլ տեսանյութերում էլ երևում է, որ տարբեր միավորումների առաջնորդներ ու շեյխեր Սիրիայի հյուսիսարևմտյան ամենաաղքատ վայրերում փորձում են վարձկանների հավաքագրել։ Տվյալ տեսանյութում Թուրքական սահմանի մոտ Հալեպի Սայկ ալ-Հադիդ քաղաքում անձը կոչ է անում իր շուրջը գտնվողներին կռվի մեկնել:

«Ադրբեջանում մեր կռիվը նույնն է ինչ Լևանտում»,- նշում է նա։

Ալարկոնի խոսքով՝ զինվորների հավաքագրումն իրականացվում է թուրքական հետախուզական ծառայությունը, որը Սիրիական ազատ բանակն է կազմում և միության ղեկավարների ընտրում նրանց Թուրքիա և Հայաստան ուղարկելու համար։ Նշվում է, որ ամեն բան կատարվում է պետական պաշտոնական վարչության, և ոչ թե մասնավոր ընկերությունների միջոցով։