Արցախում կռվելու համար գերեվարված ահաբեկչին խոստացել էին ամսական 2000 դոլար. մանրամասներ հարցաքննությունից
1 Նոյեմբեր, 2020
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Արցախի պաշտպանության բանակի ստորաբաժանումների կողմից մարտական գործողությունների ընթացքում գերեվարված սիրիացի վարձկանը Սիրիայի Իդլիբ նահանգի Ջեսրալ Շուուր շրջանի Զիյադիյա գյուղի բնակիչ է:
ՀՀ պաշտպանության նախարարության խոսնակ Շուշան Ստեփանյանը հրապարակել է նրա նախնական հարցաքննության տեսանյութը, որից պարզ է դառնում, որ գերեվարվածը 1988թ. ծնված Յուսուֆ Ալաաբեթ ալ Հաջին է: Ամուսնացած է: Ունի 5 երեխա:
«Արցախում, նրա խոսքերով, «քաֆիրների» (անհավատների) դեմ կռվելու համար նրան խոստացվել է ամսական 2000 դոլար վարձավճար ու ևս 100 դոլար «պարգևավճար»՝ ամեն «քաֆիրի» գլուխ կտրելու համար»,-մանրամասներ է հաղորդել Ստեփանյանը:
https://www.facebook.com/shushanstepanyan/videos/3378331555536314/?t=1
Հոկտեմբերի 30-ին ևս Արցախի ՊԲ-ն վարձկան-ահաբեկչի էր գերեվարել: Նա հարցաքննության ընթացքում պատմել էր իրենց հավաքագրելու և Ադրբեջան տեղափոխելու մասին: ՀՀ վարչապետն անդրադարձել է բացահայտումներին՝ նշելով, որ միջազգային հանցավոր ցանցի բացահայտումը չի կարող անհետեւանք մնալ:
armenpress.am/arm/news/1033500.html
