11 ՅՈՒՆՈՒԱՐ 2016
ԵԱՀԿ-ի մէջ 2016 թուականին նախագահող Գերմանիան կը խոստանայ աւելի մեծ ուշադրութիւն դարձնել սառեցուած հակամարտութիւններու կարգաւորման, ներառեալ Լեռնային Ղարաբաղի հակամարտութեան:
Այս մասին, ըստ Armenpress.am-ի, յայտնած է Ատրպէյճանի մէջ Գերմանիոյ դեսպան Հայտրուն Թեմփելը:
«Իբրեւ ԵԱՀԿ նախագահող երկիր` Գերմանիան մեծ ուշադրութիւն պիտի դարձնէ շարունակուող հակամարտութիւններու կարգաւորման, որոնք մենք կ՝անուանենք «սառեցուած» հակամարտութիւններ: Անոնց շարքին է նաեւ այն հակամարտութիւնը, որուն մէջ ներգրաւուած է Ատրպէյճանը: ԵԱՀԿ նախագահութեան ծիրին մէջ խաղաղութիւնն ու անվտանգութիւնը պիտի ըլլան ամենակարեւոր առաջնահերթութիւնները Գերմանիոյ համար»,- յայտնած է Թեմփելը:
ԵՌԱԳՈՅՆ
http://www.yerakouyn.com
