Միացեալ Նահանգներու Ծերակոյտը Թուրքիոյ Դէմ Պատժամիջոցներ Կիրարկելու Բանաձեւ Որդեգրած Է
14 ԴԵԿՏԵՄԲԵՐ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ – ԱՇԽԱՐՀ:
Միացեալ Նահանգներու Ծերակոյտը Թուրքիոյ Դէմ «Սի.Էյ.Էյ.Թի.Էս.Էյ.» տեսակի պատժամիջոցներ կիրարկելու բանաձեւ որդեգրած է: «Արմէնփրես»-ի համաձայն, այս մասին կը հաղորդէ «Աքսիոս»-ը:
Քուէներու ճնշող մեծամասնութեամբ որդեգրուած բանաձեւը Թուրքիոյ դէմ պատժամիջոցներ կը նախատեսէ` առնչուած ռուսական «Էս-400» հակաօդային պաշտպանութեան համակարգերու գնման հետ, սակայն Միացեալ Նահանգներու նախագահը իրաւունք ունի վեթօ կիրարկելու բանաձեւին դէմ:
«Սի.Էյ.Էյ.Թի.Էս.Էյ.» տեսակի պատժամիջոցները նախատեսուած են Իրանի, Հիւսիսային Քորէայի եւ Ռուսիոյ քաղաքացիներու եւ անոնց պատկանող ընկերութիւններու, ինչպէս նաեւ անոնց հետ գործակցող այլ անձերու, կազմակերպութիւններու եւ երկիրներու համար:
aztagdaily.com/archives/492988
