Պաքու Իր Յաղթանակը Կը Պարտի Նաեւ Իսրայէլի. Intelligence Online
18 ԴԵԿՏԵՄԲԵՐ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:
Intelligence online կայքը Արցախեան պատերազմին մասին հրապարակած է ծաւալուն յօդուած մը՝ նշելով, որ Ատրպէյճան հետախուզական պատերազմին մէջ յաղթած է ոչ միայն Թուրքիոյ, այլ նաեւ Իսրայէլի շնորհիւ։ Կայքը Ատրպէյճանի յաղթանակին կարեւոր մասը համարած է Իսրայէլի կողմէ Պաքուին տրամադրուած զէնքերը եւ յատկապէս՝ հետախուզական տեղեկութիւնները։
Յօդուածը կը յայտնէ, որ մինչ աշխարհի ուշադրութիւնը կեդրոնացած էր Թուրքիոյ եւ սուրիացի վարձկաններու Ատրպէյճանին տրամադրած օգնութեան վրայ, Իսրայէլ Պաքուին նաեւ հետախուզական կենասկան տուեալներ կը տրամադրէր, ինչ որ ապահոված է Ատրպէյճանի բանակի անօդաչու թռչող սարքերուն դիւրին տեղաշարժը։ Այդ տուեալներով, սարքերը կրցած են ճշգրիտ կերպով հարուածել հայկական թիրախները, զգալի կորուստներ պատճառելով։
asbarez.com/arm/381974/պաքու-իր-յաղթանակը-կը-պարտի-նաեւ-իսրայ/
