11 ՅՈՒՆՈՒԱՐ 2016
Թրքական իշխանամէտ «Սապահ» թերթը հրապարակած է ցանկը այն երկիրներուն, որոնք իբրեւ թէ կ՛աջակցին Քրտական Աշխատաւորական Կուսակցութեան (Ք.Ա.Կ.-PKK): Ցանկին մէջ առաջին դիրքի վրայ է Ռուսիան, որ ըստ նոյն օրաթերթին՝ Ք.Ա.Կ.ին կը մատակարարէ «RPG» տիպի նռնականետներ, 60 մմ. ականանետ
ներ, զինամթերք, հեռակառավարուող ականներ, գիշերային տեսողութեան սարքեր եւ «Քալաշնիքով» տեսակի գնդացիրներ: «Անգլիա իր բեռնափոխադրող օդանաւերով Ք.Ա.Կ.ին կը մատակարարէ ականանետներ, իսկ Ք.Ա.Կ.էն գրաւուած գնդացիրներուն մէկ մասը բրիտանական արտադրութիւն է»,- կը պնդէ «Սապահ»: Գերմանիան, ըստ օրաթերթին, հրթիռներ կը մատակարարէ Ք.Ա.Կ.ին, ինչպէս նաեւ կը մարզէ Ք.Ա.Կ.ի անդամները: Ք.Ա.Կ.ին օժանդակողներու շարքին կը նշուին նաեւ Իտալիա, Չինաստան, Սպանիա, Իսրայէլ, Սուրիա, Իրաք, Հոլանտա, Պելճիքա, Յունաստան, Ֆրանսա, Դանիա եւ Սերպիա: Ցանկին մէջ 13րդ դիրքին վրայ է Հայաստան: Թրքական իշխանամէտ թերթը նաեւ կը գրէ, թէ Ք.Ա.Կ.ի անդամները «ահաբեկչական կրթութիւն» կը ստանան Հայաստանի հետախուզական ստորաբաժանումներուն կողմէ:
ԱԶԱՏՕՐ
http://azator.gr
