Մովսէս Նաճարեան – Մովսէս Մարգարէի Ինքնութիւնն ու Առաքելութիւնը

Մովսէս Նաճարեան – Մովսէս Մարգարէի Ինքնութիւնն ու Առաքելութիւնը

01 ՄԱՐՏ 2021 – Գիտական Յօդուածներ – Մովսէս Նաճարեան «Լեզուաբանութի՞ւն ԹԷ ԻՄԱՍՏԱՍԻՐՈՒԹԻՒՆ»

Սկիզբը՝ ՆԱԽՈՐԴԸ:

41.Մովսէս Մարգարէի Ինքնութիւնն ու Առաքելութիւնը

Լեհ նշանաւոր գրող Զենոն Կոսիդովսկին գրում է.

«Ղեւտացիների պրոբլեմը բաւական բարդ է եւ լի անորոշութիւններով: Մի քանի գիտնականներ գտնում են, որ ղեւտացիները ոչ թէ առանձին ցեղ էին, այլ Կադեսում եղած մի քրմական կաստա: Մադիանական նախկին երկրից դէպի արեւելք ընկած Էլ-Օլ կոչուող արաբական վայրում գտնուած արձանագրութիւններում Բադդ աստծու քրմուհիները նշուած էին “ղվ”, իսկ քուրմերը՝ “ղվտ” ձեւով: Այդ բառերից իբր թէ ծագում է “ղեւտ” անունը:

Մովսէսը ամուսնացաւ մադիանական քուրմի դստեր հետ եւ ընդունեց նրա կրօնը, իսկ յետոյ ինքը դարձաւ քուրմ, այսինքն ղեւտ»:418

Մեկնաբանութիւն.-

Ի հարկէ «Ղեւտ» կամ «Ղեւտացի դառնալ» (Աղիւնցի, առիւծեցի, Ղպտի դառնալ) արտայայտութիւնը անհեթեթութիւն է: Այն ձեռքբերովի մի յատկանիշ կամ որակ չի՛ եղել՝ այլ հոգեւորական-քրմական դասակարգի ժառանգական սեփական անուանումը:

Ուստի կարող ենք ասել, որ մարգարէն ծնունդով եղել է Աղիւնցի հրեշտակների Եգիպտական սերնդից՝ ներկայի Ղպտիներից: Նաեւ պատահականութիւն չէ, որ սուրբ Մեսրոպ Մաշտոցը Մովսէս մարգարէին դասակարգել է օրինապահ-օրէնսդիրների շարքին:419

Երբ արդէն գիտենք «Ղեւտացի»-«Աղիւնցի»-ների ծագումը, ինքնութիւնը, առաքելութիւնն ու Միջերկրածովեան բնակավայրերը՝ ապա պարզ է դառնում թէ «ղեւտ» Մովսէս մարգարէն ի՞նչ է ուզեցել ուսուցանել ֆալլոսապաշտ յուդայականներին:

Ինչպէս սուրբ Մ. Մաշտոցն է գրում՝ Մարգարէն ուզեցել է նրանց վերադարձնել «է»-ի (Սուրբ Երրորդութեան) աստուածատուր օրէնքներին եւ կրօնին:

– – – – – – – – – – – – – – –

418 – Զենոն Կոսիդովսկի, «Բիբլիական Ավանդապատումներ», Երեւան 1970, էջ 211:

419 – «Յաճախապատում», նոյն, էջ 31:

– Մովսէս Նաճարեան «Լեզուաբանութի՞ւն ԹԷ ԻՄԱՍՏԱՍԻՐՈՒԹԻՒՆ»