Այսօրուայ Թուրքիոյ Մէջ Յայտնաբերուած Հայկական Գերեզմաննոցին Վրայ Դրամատան Մասնաճիւղ Մը Կը Փորձեն Կառուցել

Այսօրուայ Թուրքիոյ Մէջ Յայտնաբերուած Հայկական Գերեզմաննոցին Վրայ Դրամատան Մասնաճիւղ Մը Կը Փորձեն Կառուցել

16 ՄԱՐՏ 2021 – ԱՐԵՒՄՏԵԱՆ ՀԱՅԱՍՏԱՆ – ՄՇԱԿՈՅԹ:

ԵՐԵՒԱՆ, «Էրմենիհապեր».- Անգարայի մէջ, դրամատան մը նոր շէնքի կառուցման նպատակով կատարուած աշխատանքներուն ընթացքին յայտնաբերուած են մարդկային ոսկորներ: Կարգ մը արխիւներու համաձայն՝ նշուած տարածքին մէջ նախապէս եղած է հայկական եւ կաթոլիկ գերեզմաննոց մը: Մեկնելով այդ փաստէն՝ Թուրքիոյ Ճարտարապետներու պալատը կոչ ըրած է՝ դադրեցնելու շինարարական աշխատանքները:

Ըստ Ճարտարապետներու պալատի Անգարայի բաժինի տնօրէն Թեզճան Քարաքուշ Ճանտանի՝ պաշտօնական աղբիւրները կը վկայեն, որ նշեալ տարածքին վրայ նախապէս ո՛չ միայն գերեզմաննոց եղած է, այլեւ՝ եկեղեցի եւ բաղնիք:

«Հակառակ անոր՝ շինարարական աշխատանքները մեծ թափով կը շարունակուին: Ասիկա անարգալից վերաբերմունք է Անատոլիոյ բազմամշակութային կառուցուածքին նկատմամբ: Այս մարդու իրաւունքներու խախտում է եւ բարբարոսութիւն», նշեց Ճանտան:

asbarez.com/arm/386185/թուրքիոյ-մէջ-յայտնաբերուած-հայկական/