ԱՄՆ-ն Դատապարտած Է Կիպրոսի Հայկական Մակարավանքին Մէջ Թուրքերու Կազմակերպած Խնճոյքը (տեսանիւթ)
09 ԱՊՐԻԼ 2021 – ՊԱՏՄԱԿԱՆ ԷՋԷՐ:
Նիկոսիայի մէջ ԱՄՆ արտակարգ եւ լիազօր դեսպան Եուտիթ Կարպըր դատապարտած է թուրքերու վերահսկողութեան տակ անցած Գիրենիոյ հայկական պատմական Մակարավանքին մէջ իրականացուած ձեռնարկը: Ermenihaber.am-ի տեղեկութիւններով՝ դեսպանը այդ մասին գրած է Twitter-ի իր էջին մէջ:
«ԱՄՆ դեսպանատունը խստօրէն կը դատապարտէ Սուրբ Մակարի հայկական վանքի չարարկումը (վատ նպատակով օգտագործումը): Կրօնական ազատութիւնը հիմնարար արժէք է, եւ մենք կը կրկնենք կրօնական առաջնորդներու կոչը, որ բոլոր պաշտամունքի վայրերը, որոնք կ՝օգտագործուին կամ չեն օգտագործուիր, պաշտպանուած ըլլան չարաշահումներէ, վանտալութենէ եւ պղծումէ»,- գրած է դեսպանը:
Նշենք, որ նախորդ շաբաթ Կիպրոսի Մակարավանքի բակին մէջ թուրք երիտասարդները առանց արտօնութեան խնճոյք կազմակերպած էին:
yerakouyn.com/2021/04/09/ամն-ն-դատապարտած-է-կիպրոսի-հայկական-մա/
