Հայաստանի Մէջ Մշակել Ռազմավարութիւն, Որուն Հիմամբ Հասարակական Առողջապահութիւնը Նոյնքան Կարեւոր Ըլլայ, Որքան Ֆիզիքական Պաշտպանութիւնը

Հայաստանի Մէջ Մշակել Ռազմավարութիւն, Որուն Հիմամբ Հասարակական Առողջապահութիւնը Նոյնքան Կարեւոր Ըլլայ, Որքան Ֆիզիքական Պաշտպանութիւնը – Հաստատեց Փրոֆ. Յարութիւն Արմէնեան

29 ՅՈՒՆԻՍ 2021 – ԿԻԶԱԿԷՏ – ՀԱՅՈՑ ՑԵՂԱՍՊԱՆՈՒԹԻՒՆ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ – Կարդալ նաեւ՝:

«Ազդակ»-ի 32-րդ Առցանց  Լսարան

«Ազդակ»-ի 32-րդ առցանց լսարանին դասախօսեց համաճարակաբան փրոֆ.  Յարութիւն Արմէնեան. նիւթ` «Համավարակն ու ապագայի մեր պարտաւորութիւնները»: Լսարանը վարեց «Ազդակ»-ի ելեկտրոնային բաժինի աշխատակից Մինաս Հանս Քէհեան:

Փրոֆ. Արմէնեանի դասախօսութիւնը ներառած էր հիմնական 5 բաժին.

– հիւանդութեան աստիճանաւորումը եւ սառցալեռը,
– կարելի միջոցառումներ համավարակին դէմ,
– պարտաւորութեանց/գործունէութեան դաշտը,
– ռազմավարութիւն եւ գիտութիւն,
– եզրակացութիւն:

Փրոֆ. Յարութիւն Արմէնեան մասնագիտական ներկայացում կատարեց նիւթին` համավարակներու կանխարգիլման հրամայականը շեշտելով, պետութիւններու, հասարակութիւններու, ընտանիքներու եւ անհատներու պարտաւորութիւններու ընդհանուր ուղղութիւնները նշելով:

Շատ հետաքրքրական էր Թայլանտի հակազդեցութեան ռազմավարութեան օրինակը, որուն արդիւնքները նաեւ ներկայացուեցան առարկայական տուեալներու հիման վրայ:

Խօսելով Հայաստանի եւ սփիւռքի այս ոլորտին մէջ կատարելիքներուն մասին` փրոֆ. Արմէնեան  հաստատեց, որ Հայաստանի մէջ պէտք է մշակել կանխարգիլման այնպիսի ռազմավարութիւն, որ հասարակական առողջապահութիւնը նկատէ նոյնքան կարեւոր,  որքան ֆիզիքական պաշտպանութիւնը:

Դասախօսութեան հետեւեցաւ հարցումներու յղման եւ տեսակէտներու փոխանցման հետաքրքրական բաժին, որուն արձագանգեց եւ մասնագիտական լուսաբանումներով դասախօսութիւնը համալրեց հանրայայտ գիտնական փրոֆ. Յարութիւն Արմէնեան:

Յիշենք, որ դասախօսութեան արձանագրութիւնը տեղադրուած է «Ազդակ»-ի եութիուպեան էջին վրայ:

aztagdaily.com/archives/513901