Ջաւախքի Գանձա Գիւղին Մէջ Տեղի Ունեցաւ Տէրեանի Տուն-թանգարանի Ցուցասրահին Բացումը

Ջաւախքի Գանձա Գիւղին Մէջ Տեղի Ունեցաւ Տէրեանի Տուն-թանգարանի Ցուցասրահին Բացումը

05 ՕԳՈՍՏՈՍ 2021 – ՄՇԱԿՈՅԹ – ՍՓԻՒՌՔ:

Օգոստոս 1-ին, նշանաւոր հայ բանաստեղծ, քնարերգու եւ հասարակական-քաղաքական գործիչ Վահան Տէրեանի հայրենի՝ Ջաւախքի Գանձա գիւղին մէջ տեղի ունեցաւ բանաստեղծի տուն-թանգարանի ցուցասրահին բացումը: Այս մասին ԵՌԱԳՈՅՆ-ը կը տեղեկանայ Akhaltskha.net-էն։

Բացման արարողութեան ներկայ էին բազմաթի հիւրեր, ինչպէս Հայաստանէն այնպէս ալ Վրաստանի տարբեր շրջաններէ։ «Ջաւախքին աջակցութիւն» հիմնադրամը (ՋԱՀ) նախաձեռնեց եւ բարերարներու աջակցութեամբ իրականացուց Վ. Տէրեանի տուն-թանգարանի ցուցասրահին վերականգնումը։ Ծրագիրը կեանքի պիտի կոչուի երեք փուլով. Առաջին փուլով կը նախատեսուէր վերականգնել տուն-թանգարանի ցուցասրահը, որ արդէն պատրաստ է։ Երկրորդ փուլով կը նախատեսուի կազմակերպել յուշային մասի վերականգնումը, երրորդ փուլով պիտի վերականգնուի ամբողջ համալիրը:

yerakouyn.com/2021/08/04/ջաւախքի-գանձա-գիւղին-մէջ-տեղի-ունեցաւ/