Ֆրանսական Կազմակերպութիւնը Կը Պահանջէ Արցախին Վերադարձնել Իր Պատմական Տարածքը

Ֆրանսական Կազմակերպութիւնը Կը Պահանջէ Արցախին Վերադարձնել Իր Պատմական Տարածքը

23 ՍԵՊՏԵՄԲԵՐ 2021 – ՖՐԱՆՍԱ – ՀԱՅԱՍՏԱՆ:

Ֆրանսական «Լ՛էօվր տ՛Օրիան» կազմակերպութիւնը, որուն հիմնական առաքելութիւնն է աջակցութիւն ցուցաբերել Արեւելքի քրիստոնեաներուն՝ կրթական, հասարակական, առողջապահական, մշակութային եւ այլ ոլորտներու մէջ, Արցախի վերաբերեալ փաստերու հաւաքագրման հիմքով արձանագրումներ կատարած է: Արցախի Հանրապետութեան մարդու իրաւունքներու պաշտպան Գեղամ Ստեփանեանի կը տեղեկացնէ, թէ կազմակերպութիւնը հետեւալ հաղորդագրութիւնը հրապարակած է.

«Արցախի հայերը վտարուած են իրենց պատմական տարածքներէն, հայկական բնակչութիւնը վտարուած է իր տուներէն, գիւղերէն եւ եկեղեցիներէն:

«Հայ ժողովուրդը իր արեան գնով ձեռք բերած է խաղաղ ու ազատ ապրելու իրաւունքը:

Արցախի ժողովուրդը իրաւունք ունի իրականացնելու իր ինքնորոշման գործընթացը միջազգային վերահսկողութեան տակ, այնպէս, ինչպէս Քոսովօն:

««Լ՛էօվր տ՛Օրիան»ը կը պահանջէ, որ Արցախին վերադարձուի իր պատմական ամբող տարածքը՝ ապահով սահմաններով:

«Կոչ կ՛ընենք Եւրոպական Միութեան եւ Ֆրանսայի կառավարութեան, որ յստակ աջակցութիւն ցուցաբերեն Արցախի ժողովուրդին»:

asbarez.am/397113/ֆրանսական-կազմակերպութիւնը-կը-պահան/