ՈՒԶՈՒ՞Մ ԵՍ ԽԱՂԱՂՈՒԹՅՈՒՆ՝ ՊԵՏՔ Է ՌԱԶՄԱՍԵՐ ԼԻՆԵՍ, ՊԱՏԵՐԱԶՄԱՍԵՐ ԼԻՆԵՍ, ԵՎ ՀԱՂԹԱՆԱԿՈՎ ՀԱՍՏԱՏԵՍ ԽԱՂԱՂՈՒԹՅՈՒՆ
30 ՆՈՅԵՄԲԵՐ 2021 – ՀԱՅԱՍՏԱՆ:
․․․Պատերազմը ավարտված չի եղել և չի ավարտվելու, քանի դեռ մենք՝ որպես ազգ, որոշում ենք կայացրել ապրել ա՛յս տարածաշրջանում, ա՛յս հայրենիքում, ա՛յս երկրում:
Սա մեր ազգի ինքնության հավերժական կռիվն է լինելու: Մենք միշտ պետք է պատրաստ լինենք այդ պատերազմին:
Մենք կեղծ խաղաղությամբ առաջ գնալու ոչ մի թեզ չունենք և ոչ մի երաշխիք չունենք: Մեր խաղաղության նվաճման միակ ճանապարհը ռազմասեր լինելն է:
Եվ խաղաղության նվաճման միակ ճանապարհը գիտակցությունն է, որ մենք որոշում ենք կայացրել ապրել այս երկրում, որը մեր աստվածատուր, սրբազան երկիրն է, որտեղ ջրերից ավելի շատ մեր զավակների և հայրերի արյունն է:
Հետևաբար՝ ամեն վայրկյանն է մեզ համար պատերազմ: Նախ մեր ներքին՝ հոգու պատերազմը հաղթելու և, ապա մեր վճռական հաղթանակը՝ երկրի վրա մեր ինքնության և արժանապատվության հաստատման:
Սա բոլոր նրաց է ուղղված, ովքեր խաղաղության կեղծ թեզերով են գալիս մեզ մոտ: Չկա նման բան: Ուզու՞մ ես խաղաղություն՝ պետք է ռազմասեր լինես, պատերազմասեր լինես, և հաղթանակով հաստատես խաղաղություն:
լրագրող- Պատերազմասեր մարդկանց անվանում են ռևանշիստներ…
Բագրատ Սրբազան- Չգիտեմ՝ ով, ինչ է անվանում: Ես անվանում եմ՝ հաղթանակողներ:
ԲԱԳՐԱՏ ԵՊԻՍԿՈՊՈՍ ԳԱԼՍՏԱՆՅԱՆ
Մագաղաթ.am / Magaghat.am
