Ամերիկան պէտք է յստակ ազդանշան ուղարկի Ատրպէյճանին, որ չշարունակի յարձակողական քայլերը. Էլիզապէթ Չուլճեան
28 ՓԵՏՐՈՒԱՐ 2022 – ՀԱՅ ԴԱՏ:
Վերջին տարիներին մօտաւորապէս 120 միլիոն տոլար է գնացել ամերիկեան կառավարութիւնից դէպի Ադրբեջան, չնայած որ իրենք են եղել յարձակողական ուժը ամէն քայլափոխի Հայաստանի դէմ, Արցախի դէմ՝ ասաց Ամերիկայի Հայ դատի յանձնախմբի մամուլի քարտուղար Էլիզապէթ Չուլճեանը Հայ Յեղափոխական Դաշնակցութեան 34-րդ Ընդհանուր ժողովի բացման պաշտօնական արարողութեան ժամանակ լրագրողների հետ զրոյցում։
Նա նշեց, որ դա տեսնում ենք առօրեայ մակարդակում ոչ միայն Արցախի, այլ նաև Հայաստանի ինքնիշխան հողի վրայ, որտեղ դեռ 1000-ից աւելի ադրբեջանական զօրք կայ։
«Ուրեմն ամերիկեան կառավարութիւնը պէտք է յստակ ազդանշան ղրկի Ադրբեջանի կառավարութեան, որ չենք կարող ամերիկեան օժանդակութեամբ կանաչ լոյս տալ Ադրբեջանի կառավարութեանը, որ շարունակի իր յարձակողական քայլերը»,-ասաց Էլիզապէթ Չուլճեանը։
Մանրամասն՝ տեսանիւթում․
հorizonweekly.ca/en/ամերիկան-պէտք-է-յստակ-ազդանշան-ուղարկ/
