«Միացեալ Նահանգները Աշխարհագրական Իրողութիւնը Զէնքի Ուժով Փոխելը Չեն Կրնար Ընդունիլ» Կ՛ըսէ Պլինքըն

«Միացեալ Նահանգները Աշխարհագրական Իրողութիւնը Զէնքի Ուժով Փոխելը Չեն Կրնար Ընդունիլ» Կ՛ըսէ Պլինքըն

08 ՄԱՐՏ 2022 – ԱՇԽԱՐՀ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Միացեալ Նահանգներու արտաքին գործոց նախարար Էնթընի Պլինքըն շեշտեց, որ Միացեալ Նահանգներ աշխարհագրական իրողութիւնը զէնքի ուժով փոխելը «չեն կրնար ընդունիլ»:

Պլինքըն իր լիթուանացի պաշտօնակիցին հետ միացեալ մամլոյ ասուլիսի ընթացքին յայտնեց. «Անընդունելի է, որ երկիր մը իր քաղաքականութիւնը մէկ այլ երկրի պարտադրէ կամ անոր օրէնքներ թելադրէ»:

Ան աւելցուց, որ Ուաշինկթըն «աշխատանք կը տանի ՕԹԱՆ-ի արեւելեան ճակատին վրայ զինուորական ներկայութիւն ամրապնդելու»` նշելով. «Այս փոփոխութիւնները ազդեցութիւն պիտի ունենան»:

Ամերիկեան դիւանագիտութեան պետը շեշտեց, որ Ռուսիոյ Ուքրանիա ներխուժումը կը վտանգէ միջազգային կանոնները` աւելցնելով. «Մեծ տոկունութիւն կայ, եւ նոյնիսկ «Քորոնա»-ի տագնապի ընթացքին աշխատանք կը տանինք Ուքրանիոյ ճգնաժամը լուծելու»:

«Լիթուանիոյ եւ մեր գործընկերներուն հետ աշխատանք կը տանինք Ուքրանիայէն հեռացող կիներն ու մանուկները պաշտպանելու», ըսաւ ան:

aztagdaily.com/archives/540123