Ասկերանի Շրջանի Կարմիր Գիւղին Մէջ 64 Առանձնատուներէ Բաղկացած Նոր Թաղամաս Կը Կառուցուի
09 ՄԱՐՏ 2022 – ՀԱՅԱՍՏԱՆ – ԱՐՑԱԽ:
Ասկերանի շրջանի Կարմիր Գիւղին մէջ 64 առանձնատուներէ բացկացած նոր թաղամաս կը կառուցուի։ Այս մասին կը տեղեկացնէ Արցախի Հանրապետութեան քաղաքաշինութեան նախարարութիւնը։
Ներկայ փուլով կը կատարուին յատկապէս հողային, իսկ որոշ տեղամասերու մէջ արդէն կ՝իրականացուին նաեւ առանձնատուներու հիմքերու կառուցման աշխատանքները։
Սկիզբ առած են նոր բնակավայրի կառուցման շինարարական աշխատանքները, եւ ծրագիրը միտուած է պատերազմի հետեւանքով տեղահանուած քաղաքացիներու բնակարանային ապահովման խնդրի լուծման։
Բնակելի տուներու կառուցման աւարտէն ետք, ըստ նախագիծին, թաղամասին մէջ պիտի իրականացուին անհրաժեշտ ենթակառուցուածքներով համալրման եւ ընդհանուր տարածքի բարեկարգման աշխատանքները։
Թաղամասի կառուցապատումը կ՝իրականացուի Արցախի կառավարութեան նիւթական աջակցութեամբ։
yerakouyn.com/2022/03/09/ասկերանի-շրջանի-կարմիր-գիւղին-մէջ-64-առա/
