Արցախը Ազրպէյճան Չէ եւ Երբեք Պիտի Չըլլայ․ Խաղաղ Հաւաք Ստեփանակերտի Մէջ՝ Յանուն Արցախի Ժողովուրդի Իրաւունքներու
24 ՄԱՐՏ 2022 – ՀԱՅԱՍՏԱՆ – ԱՇԽԱՐՀ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:
Ստեփանակերտի մէջ արցախցի կանայք իրենց փոքրիկներուն հետ իրականացուցած են խաղաղ հաւաք՝ յանուն Արցախի ժողովուրդի իրաւունքներուն։ Հաւաքին նպատակն է արցախցիի ձայնը միջազգային հանրութեան համար լսելի դարձնելը։
«Եթէ այսօր լռէք, վաղը պատմութեան էջերուն մէջ նոր արիւնալի էջեր պիտի ըլլան։ 44-օրեայ պատերազմին կորսնցուցած եմ ամէն ինչ, անգամ՝ հօրս գերեզմանին ներկայանալու պատիւը։ Այսօր Արցախի մէջ եմ եւ պիտի ապրիմ այստեղ մինչեւ կեանքիս վերջը, քանի որ Արցախը իմ տունս է, մենք պէտք է պայքարինք մինչեւ վերջ։ ՄԱԿ-ի անդամները այցելած են գրաւուած Շուշի, բայց չեն այցելած Ստեփնակերտ, որպէսզի տեսնեն, թէ ինչ անմարդկային պայմաններու մէջ կ՝ապրինք եւ կը ստեղծագործենք»,- ըսած է հաւաքի մասնակիցներէն մէկը։
yerakouyn.com/2022/03/24/արցախը-ազրպէյճան-չէ-եւ-երբեք-պիտի-չըլլ/
