ՀՅԴ Հայաստանի Գերագոյն Մարմինի Ներկայացուցիչ Իշխան Սաղաթէլեանը Հանդիպումներ Ունեցաւ Եւրոպական Միութեան Խումբ Մը Պաշտօնեաներու Հետ

ՀՅԴ Հայաստանի Գերագոյն Մարմինի Ներկայացուցիչ Իշխան Սաղաթէլեանը Հանդիպումներ Ունեցաւ Եւրոպական Միութեան Խումբ Մը Պաշտօնեաներու Հետ

08 ՅՈՒԼԻՍ 2022 – ԴԻՄԱԴՐՈՒԹԻՒՆԸ ՄԵՐ ՍՐԲԱԶԱՆ ՊԱՏՈՒՈՅ ՊԱՐՏՔՆ Է – lousavor-avedis.org

Կը շարունակուի Իշխան Սաղաթէլեանի աշխատանքային այցելութիւնը Եւրոպական խորհրդարան:

Աշխատանքային այցելութեամբ Եւրոպական խորհրդարանին մէջ գտնուող ՀՅԴ Հայաստանի Գերագոյն մարմինի ներկայացուցիչ Իշխան Սաղաթէլեան 6 յուլիսին հանդիպումներ ունեցած է`

– Եւրոպական խորհրդարանի փոխնախագահ Էւա Քայիլիի,

– Արցախի հետ Եւրոպական խորհրդարանի բարեկամութեան խումբի համահիմնադիր Փեթեր Վան Տալենի,

– Հայաստանի հարցով Եւրոպական խորհրդարանի զեկուցող Անտրէյ Քովաչեւի,

– Եւրոպական խորհրդարանի նախկին փոխնախագահ Ֆապիօ Մասիմօ Քասթալտոյի,

– Յունաստանի ընկերվար-ժողովրդավարական կուսակցութեան նախագահ, Եւրոպական խորհրդարանի պաշտպանութեան եւ անվտանգութեան յանձնախումբի փոխնախագահ Նիքոս Անտրուլաքիսի հետ:

Հանդիպումներուն ընթացքին քննարկուած են Լեռնային Ղարաբաղի տագնապի լուծման հեռանկարները, ներկայացուած են «Դիմադրութիւն» շարժման մօտեցումները եւ տեսակէտները` մէկ անգամ եւս ընդգծելով, որ առանց Արցախի ժողովուրդի կամքի արտայայտութիւնը հաշուի առնելու, անկարելի է հասնիլ խաղաղութեան, տագնապի վերջնական ու երկարաժամկէտ լուծման:

Եւրոպացի գործընկերներուն Սաղաթէլեանը ներկայացուցած է Ազրպէյճանի կողմէ շարունակական յարձակումներու դրսեւորումները Հայաստանի Հանրապետութեան, Արցախի նկատմամբ եւ ակնկալած համապատասխան գնահատական:

Բոլոր հանդիպումներուն ժամանակ բարձրաձայնուած է Ազրպէյճանի մէջ պահուող ռազմագերիներու հարցը:

Հանդիպումներուն ընթացքին խօսուած է նաեւ Հայաստանի ներքաղաքական հարցերուն, «Դիմադրութիւն» շարժման նպատակներուն եւ ծրագիրներուն մասին:

aztagdaily.com/archives/551615