Դատապարտել Լրագրողներու Հանդէպ Սպառնալիքները, Բացայայտել եւ Պատժել Մեղաւորները. Լրագրողներու Եւրոպական Ֆետերասիոնը՝ ՀՀ Իշխանութիւններուն

Դատապարտել Լրագրողներու Հանդէպ Սպառնալիքները, Բացայայտել եւ Պատժել Մեղաւորները. Լրագրողներու Եւրոպական Ֆետերասիոնը՝ ՀՀ Իշխանութիւններուն

01 ՕԳՈՍՏՈՍ 2023 –

01 ՕԳՈՍՏՈՍ 2023 – – ՀԱՅԱՍՏԱՆ – ԱՇԽԱՐՀ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Լրագրողներու Եւրոպական ֆետերասիոնը (EFJ) միացած է Հայաստանի Ժուռնալիստներու միութեան (ՀԺՄ) յայտարարութեան՝ դատապարտելով Հայաստանի կառավարութեան աջակիցներուն կողմէ հասարակական ցանցերու եւ որոշ առցանց լրատուամիջոցներու մէջ Լեռնային Ղարաբաղի մէջ լարուած իրադարձութիւններուն վերաբերեալ նիկոլ փաշինեանի՝ Յուլիս 25-ին տեղի ունեցած մամուլի ասուլիսէն ետք սկսած վիրաւորանքներուն եւ ոտնձգութիւններուն արշաւը:

«Կոչ կ՝ընենք Հայաստանի իշխանութիւններուն հրապարակայնօրէն դատապարտելու այդ սպառնալիքները եւ պատասխանատուութեան ենթարկելու եւ պատժելու մեղաւորները: Մահուան եւ ֆիզիքական բռնութեան սպառնալիքներու թիրախ դարձած են որոշ մարդիկ, ներառեալ՝ լրագրողներ Անի Գէորգեանն ու Հռիփսիմէ Ջեբեջեանը:

Ժուռնալիստներու միութիւնը դատապարտած է կառավարութեան մօտ կանգնած ակտիւիստներու եւ որոշ պետական պաշտօնեաներու կողմէ կազմակերպուած կանխամտածուած յարձակումը: Հայաստանի ժուռնալիստներու միութիւնը նաեւ մեղադրած է վարչապետը՝ ատելութեան այդ առցանց քարոզարշաւը խրախուսելու մէջ: Միութիւնը հարցը փոխանցած է ՀՀ մարդու իրաւունքներու պաշտպան Անահիտ Մանասեանին:

«Լրագրողները կ՝աշխատին իրական ահաբեկչութեան պայմաններու մէջ,- ըսած է ՀԺՄ նախագահ Սաթիկ Սէյրանեանը,- «Անոնք իսկապէս վտանգի տակ են»:

Լրագրողներու Եւրոպական ֆետերասիոյնի գլխաւոր քարտուղար Ռիգարտօ Կուդիերեսը կոչ ըրած է Հայաստանի իշխանութիւններուն՝ հրապարակայնօրէն դատապարտելու այդ սպառնալիքները եւ բացայայտելու, հետապնդելու եւ պատժելու մեղաւորները, յատկապէս, եթէ անոնք պետական իշխանութիւններու պաշտօնական ներկայացուցիչներ են»,- ըսուած է յայտարարութեան մէջ:

yerakouyn.com/2023/07/31/դատապարտել-լրագրողներու-հանդէպ-սպառ/