Յայտարարութիւն Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւններ կայացնելու մասին. ԱՀՀ Նախագահի Հրամանագիրը — 08.06.2023
26 ՅՈՒԼԻՍ 2023 – Արեւմտեան Հայաստան
ՅԱՅՏԱՐԱՐՈՒԹԻՒՆ
Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւններ կայացնելու մասին
Յարգելի հայրենակիցներ
Ձեզ կը հրաւիրենք մասնակցելու Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւններուն, որ տեղի պիտի ունենայ համացանցով, հետեւեալ հասցէով՝ www.elections-western-armenia.info, 2023 թ. Օգոստոս 29-էն մինչեւ Սեպտեմբեր 3:
Համաձայն ՄԱԿ-ի Մարդու Իրաւունքներու Համընդհանուր Հռչակագիրի 21-րդ յօդուածին եւ «Բնիկ ժողովուրդներու իրաւունքներու մասին» Հռչակագիրի յօդուածներուն՝
2013 թ․ Նոյեմբերին առաջին անգամ համացանցով՝ էլեկտրոնային ուղղակի քուէարկութեան միջոցով, կայացեր են Արեւմտեան Հայաստանի Խորհրդարանի պատգամաւորներու ընտրութիւններ: Ընտրութիւններուն մասնակցեր են 17.837 ընտրող՝ 41 երկիրներէ, ընտրուեր են 64 պատգամաւորներ:
2018 թ. Սեպտեմբեր 1-էն 5-ը կայացեր են Խորհրդարանի 2-րդ գումարման ընտրութիւններ, որուն մասնակցեր են 51.500 ընտրող՝ 47 երկիրէ, միասնական ցուցակով ընտրեր են Արեւմտեան Հայաստանի Ազգային Ժողովի (Խորհրդարանի) 101 պատգամաւորներ:
Ներկայիս Արեւմտեան Հայաստանի Հանրապետութեան (Հայաստան) նախագահը Ռադիկ Խամոյեանն է, վարչապետը՝ Տիգրան Փաշաբէզեանը, Ազգային ժողովի (Խորհրդարանի) նախագահը՝ Արմէն Տէր-Սարգսեանը:
Տեղեկացնենք, որ Արեւմտեան Հայաստանի հայերու ինքնութեան եւ քաղաքացիութեան կայքը կը գործէ հետեւեալ հասցէով՝ www.citizenship-western-armenia.info, ուր կրնաք գրանցուիլ ու դիմել Արեւմտեան Հայաստանի հայերու քաղաքացիութիւն ստանալու համար:
Դառնալով Արեւմտեան Հայաստանի քաղաքացի՝ իրաւունք կը ստանաք մասնակցելու ընտրութիւններուն եւ հանրաքուէներուն, ընտրելու եւ ընտրուելու, ինչպէս նաեւ մասնակցելու Արեւմտեան Հայաստանի Հանրապետութեան պետական համակարգի աշխատանքներուն:
Ձեր աշխոյժ մասնակցութիւնը, Ձեր քուէն՝ կարեւոր է, ինչպէս հայերուն տրուած իրաւունքները միջազգային հարթակներուն վեր հանելու ու պաշտպանելու, այնպէս ալ Արեւմտեան Հայաստանի Հանրապետութեան (Հայաստան) պետական կառոյցներու իրաւաչափութիւնը պահպանելու եւ ուժականութիւնը զարգացնելու տեսակէտով, որուն վրայ այս պահին դրուած է այդ իրաւունքները հետապնդելու խնդիրը:
Իրաւունքի, օրէնքի եւ իրաւաչափութեան գերակայութիւնը, հայերու եւ երկրի պաշտպանութիւնը չափազանց կարեւոր սկզբունքներ ու գործընթացներ են, սակայն անոնք բաւարար չեն, եթե չեն ձեռնարկուիր հայ ժողովուրդին տրուած իրաւունքները կեանքի կոչելու եւ իրականացնելու գործողութիւնններ։ Այժմ շատերուն յայտնի է, որ Փարիզի խաղաղութեան վեհաժողովի ժամանակ ընդունուեցան շարք մը որոշումներ հայ ժողովուրդի անժամանացելի ու անբեկանելի իրաւունքներուն վերաբերեալ։
Յիշեցնենք, որ Արեւմտեան Հայաստանի Հանրապետութիւնը (Հայաստան պետութիւն) 2018 թուականէն սկսեալ ձեռնարկած է այդ ուղղութեամբ տարուող հիմնարար աշխատանքներ։ Հինգ դիմումնագիր ուղղուեր է ՄԱԿ, ՄԱԿ-ի Անվտանգութեան Խորհուրդի Մշտական Անդամ պետութիւններուն, դիմում մը ուղարկուեր է Եւրախորդարանին, ընդունուեր է Արցախի Հանրապետութեան անկախութիւնը ճանչնալու մասին որոշում։
Ստորեւ կը ներկայացնենք այդ դիմումնագիրերու վերնագիրերն ու
ժամանակագրութիւնը։
1) Դիմում ՄԱԿ, ՄԱԿ-ի Անվտանգութեան Խորհուրդ՝ «Միացեալ Ազգերու Կազմակերպութեանն անդամակցելու վերաբերեալ», 25 Մայիս 2018 թ:
2) Դիմում ՄԱԿ, ՄԱԿ-ի Անվտանգութեան Խորհուրդ՝ «ԱՄՆ 28–րդ նախագահ Վուդրո Ուիլսոնի 1920 թ. Նոյեմբեր 22–ին կայացուցած Իրաւարար վճիռի իրականացման մասին, որու ամբողջական անուանումն է՝ «Ամերիկայի Միացեալ Նահանգներու Նախագահի որոշումը Թիւրքիոյ եւ Հայաստանի միջեւ սահմանի, Հայաստանի դէպի ծով ելքի եւ հայկական սահմանին հարակից թրքական տարածքի ապառազմականացման վերաբերեալ»», 29 Մայիս 2018 թ։
3) Դիմում ՄԱԿ, ՄԱԿ-ի Անվտանգութեան Խորհուրդ՝ «Արեւմտեան Հայաստանի եւ Կիլիկիոյ տարածքներու ապառազմականացման, այնտեղէն Թիւրքիոյ Հանրապետութեան բռնագրաւիչ ուժերը դուրս բերելու վերաբերեալ», 20 Նոյեմբեր 2018 թ։
4) Դիմում ՄԱԿ, ՄԱԿ-ի Անվտանգութեան Խորհուրդ՝ «Հայաստան պետութեան եւ Ատրպէյջանի Հանրապետութեան միջեւ սահմանի (սահմանազատման) վերաբերեալ», 7 Օգոստոս 2019 թ:
5) Դիմում Եւրոպական Խորհրդարանին՝ «Եւրոպական խորհրդարանի 18 Յունիս 1987 թ․ ընդունած «Հայկական հարցի քաղաքական լուծման մասին» Բանաձեւին մէջ տեղ գտած սխալներու, վրիպումներու եւ անընդունելի ձեւակերպումներուն, եւ
զայն խմբագրելուն եւ վերաշարադրելուն վերաբերեալ», 5 Դեկտեմբեր 2020 թ։
6) Արեւմտեան Հայաստանի Հանրապետութեան (Հայաստան) Հռչակագիրը ուղղուած ՄԱԿ-ին եւ պետութիւններու եւ միջազգային կազմակերպութիւններու ղեկավարներուն՝ «Արեւմտյան Հայաստանի Հանրապետության (Հայաստան
պետություն) ինքնիշխանության եւ տարածքային ամբողջականութեան եւ Թիւրքիոյ Հանրապետութեան հետ պետական սահմանին վերաբերեալ», 15 Մայիս 2022 թ․։
7) Դիմում ՄԱԿ, ՄԱԿ-ի Անվտանգութեան Խորհուրդ՝ «Առաջին համաշխարհային պատերազմի ժամանակ հայ ժողովուրդի կրած նիւթական կորուստները հատուցելուն վերաբերեալ», 25 Սեպտեմբեր 2022 թ։
8) Արեւմտեան Հայաստանի Հանրապետութեան (Հայաստան պետութեան) Որոշումը «Արցախի Հանրապետութեան անկախութիւնը ճանչնալու մասին», 22 Փետրուար
2023 թ։
Նշուած բոլոր գործընթացները կը շարունակուին եւ հարկ եղած ատեն անոնք պիտի տեղափոխուին համապատասխան միջազգային ատեաններ, որոնց շարքին՝ դատական։ Մեջբերուած բոլոր փաստերուն առաւել մանրամասն կրնաք ծանօթանալ իրաւունքներու պաշտպանութեան սոյն ժողովածու-ուղեցոյցին մէջ։
Մենք կը հաւատանք, որ հայ ժողովուրդի ապրելու, զարգանալու եւ ապագայ ունենալու իրաւունքներուն համար մղուող այս դժուար, բայց արդարացի պայքարով անպայման պիտի յաղթենք:
Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւններու պատշաճ իրականացումը, անոր Ձեր աշխոյժ մասնակցութիւնը, նոր լիցք պիտի յաղորդէ հայ ժողովուրդի իրաւունքներուն համար տարուող աշխատանքներուն:
Արեւմտեան Հայաստանի Ազգային ժողովի (Խորհրդարանի) Մամլոյ ծառայութիւն
08.06.2023 թ.
* * *
Կից կը ներկայացնենք Արեւմտեան Հայաստանի Հանրապետութեան (Հայաստան պետութիւն) Նախագահի 8 Յունիս 2023 թ. № 05/2023 Հրամանագիրը Արեւմտեան
Հայաստանի Ազգային Ժողովի (Խորհրդարանի) պատգամաւորական 3-րդ գումարման ընտրութիւնները իրականացնելու մասին
Հ Ր Ա Մ Ա Ն Ա Գ Ի Ր
Հիմնուելով՝
Արեւմտեան Հայաստանի Ազգային ժողովի (Խորհրդարանի) ձեւաւորման մասին հռչակագիրին, 24 Մայիս 2013 թ.,
«Արեւմտեան Հայաստանի պետական կառուցուածքի, Արեւմտեան Հայաստանի Ազգային ժողովի (Խորհրդարանի) պատգամաւորներու կարգավիճակի եւ Արեւմտեան Հայաստանի Ազգային Ժողովի (Խորհրդարանի) կանոնակարգին մասին» օրէնքի,
Արեւմտեան Հայաստանի Ազգային ժողովի (Խորհրդարանի) 2-րդ գումարման 4-րդ նստաշրջանի որոշմամբ, 06.06.2023 թ:
Հաստատել.
1. Արեւմտեան Հայաստանի Ազգային ժողովի (Խորհրդարանի) Նախագահութեան 07.06.2023 թ. առաջարկները Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւնները
իրականացնելու նախապատրաստական աշխատանքներուն վերաբերեալ, այդ շարքին, պատգամաւորներու ընտրութիւնները իրականացնելու ամսաթիւն ու վայրը:
2. Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւնները կայացնել համացանցով հետեւեալ հասցէով՝ www.elections-western armenia.info, 2023 թ. Օգոստոս 29-էն, ժամը 00-01-էն մինչեւ 2023
թ. Սեպտեմբեր 3-ի ժամը 24:00-ը, Երեւանի ժամանակով:
3. Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման թեկնածուներու առաջադրումն ու նախընտրական արշաւի քարոզչութիւնը սկսիլ 2023 թ. Յուլիս 10-էն մինչեւ 2023 թ. Օգոստոս 28-ն:
4. Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման թեկնածուներու պաշտօնական գրանցումն իրականացնել 2023 թ. Օգոստոս 1-էն մինչեւ 2023 թ. Օգոստոս 28-ն:
5. Արեւմտեան Հայաստանի Ազգային ժողովի (Խորհրդարանի) ընտրություններուն մասնակցելու թեկնածուներու առաջադրումը կը կատարուի՝
* քաղաքացիին կողմէ, ինքն իր թեկնածութիւնը առաջադրելու միջոցով,
* հայրենակցական ու հայրենասիրական հասարակական կազմակերպութիւններուն եւ միութիւններուն կողմէ:
6. Արեւմտեան Հայաստանի Ազգային Ժողովի (Խորհրդարանի)
պատգամաւորութեան թեկնածուն պարտաւոր է Կեդրոնական ընտրական յանձնաժողովին ներկայացնել գրանցման համար անհրաժեշտ փաստաթուղթերու հետեւեալ ցանկը.
Սահմանուած նմուշով` ԱՀ ԱԺ պատգամաւորի թեկնածուի լրացուած հարցաթերթիկ,
Լուսանկար,
Անձը հաստատող փաստաթուղթ – անձնագիր,
Ինքնակենսագրութիւն (նշել արմատները, ներկայացնել ընտանիքի պատմութիւնը, ցեղասպանութեան ու բռնագաղթի հետեւանքով կրած մարդկային, նիւթական եւ այլ կորուստները),
Նախընտրական ծրագիր,
100 (հարիւր) Արեւմտեան Հայաստանի քաղաքացիներու ստորագրութիւններու ցուցակը, ովքեր կ՛առաջադրեն անոր թեկնածութիւնը` որպէս Արեւմտեան Հայաստանի Ազգային Ժողովի (Խորհրդարանի) պատգամաւոր:
7. Արեւմտեան Հայաստանի Ազգային Ժողովի (Խորհրդարանի)
պատգամաւորութեան թեկնածուն գրանցման համար անհրաժեշտ վերոնշեալ փաստաթուղթերը պէտք է ուղարկէ Խորհրդարանի պաշտօնական հասցէին՝ E-mail: parliamentwesternarmenia@gmail.com:
8. Արեւմտեան Հայաստանի Հանրապետութեան պաշտօնական կայքերուն մէջ՝ elections-western-armenia.info, www.parliament-wa.info, www.gov-wa.info, www.citizenship- western-armenia.info, հրապարակել Արեւմտեան Հայաստանի Ազգային Ժողովի
(Խորհրդարանի) պատգամաւորութեան թեկնածուի հարցաթերթը հայերէն, անգլերէն, ռուսերէն, ֆրանսերէն, թրքերէն եւ արաբերէն լեզուներով:
9. Արեւմտեան Հայաստանի Ազգային Ժողովի (Խորհրդարանի)
պատգամաւորութեան ընտրութիւններուն մասնակցելու համար թէկնածուները պարտաւոր են ունենալ Արեւմտեան Հայաստանի Հանրապետութեան (Հայաստան պետութիւն) քաղաքացիութիւն եւ սահմանուած կարգով գրանցուիլ վերոնշեալ պաշտօնական կայքերուն մէջ:
10. Հաստատել Արեւմտեան Հայաստանի Ազգային Ժողովի (Խորհրդարանի) նախագահութեան կողմէ ներկայացուած Արեւմտեան Հայաստանի Ազգային ժողովի (Խորհրդարանի) պատգամաւորներու 3-րդ գումարման ընտրութիւններու եւ
Արեւմտեան Հայաստանի Ազգային ժողովի (Խորհրդարանի) 3-րդ գումարման 1-ին նստաշրջանի կայացման բիւջէն:
11. Արեւմտեան Հայաստանի Ազգային Ժողովի (Խորհրդարանի) պաշտօնական կայքին մէջ հրապարակել Արեւմտեան Հայաստանի Ազգային Ժողովի (Խորհրդարանի) Մշտական յանձնաժողովներուն ցանկը, որպէսզի թեկնածուն ընտրութիւն կատարելու հնարաւորութիւն ունենայ Խորհրդարանի մէկ, կամ մէկէն
աւելի յանձնաժողովներուն իր մասնակցութիւնն ապահովելու եւ գործունէութիւն ծաւալելու համար:
12. Արեւմտեան Հայաստանի Ազգային ժողովի (Խորհրդարանի) ընտրութիւններուն մասնակցելու ցանկութիւն յայտնած Արեւմտեան Հայաստանի Հանրապետութեան
(Հայաստան պետութիւն) քաղաքացիներու գրանցման գործընթացն իրականացնել 2023 թ. Յուլիս 1-էն մինչեւ ընտրութիւններուն աւարտը՝ 2023 թ. Սեպտեմբեր 3-ը ներառեալ:
13. Արեւմտեան Հայաստանի Ազգային ժողովի (Խորհրդարանի) ընտրութիւններուն մասնակցելու ցանկութիւն յայտնած Արեւմտեան Հայաստանի Հանրապետութեան
(Հայաստան պետութիւն) քաղաքացիներու գրանցումը կատարել վերոյիշեալ պաշտօնական կայքերուն մէջ՝ elections-western-armenia.info, www.parliament-wa.info, www.gov-wa.info, www.citizenship-western-armenia.info։
14. Արեւմտեան Հայաստանի Ազգային ժողով (Խորհրդարան) ձեւաւորող Կեդրոնական ընտրական յանձնաժողովին (ԿԸՀ) լիազօրել կազմակերպել եւ կայացնել ընտրական ողջ գործընթացը:
15. Ընտրութիւններուն արդիւնքները Կեդրոնական ընտրական յանձնաժողովին կողմէ կը հաստատուին եւ կը հրապարակուին Արեւմտեան Հայաստանի Հանրապետութեան (Հայաստան պետութիւն) հետեւեալ պաշտօնական կայքերուն մէջ՝ elections-western-armenia.info, www.parliament-wa.info, www.gov-wa.info,
www.citizenship-western-armenia.info, մինչեւ 2023 թ. Սեպտեմբեր 12-ն:
16. Արեւմտեան Հայաստանի Ազգային ժողովի (Խորհրդարանի) 3-րդ գումարման 1- ին նստաշրջանը իրականացնել ընտրութիւններու աւարտէն յետոյ, մէկ ամսուայ ընթացքին:
17. Սոյն հրամանագիրը հրապարակել Արեւմտեան Հայաստանի Հանրապետութեան (Հայաստան) պաշտօնական կայքերուն մէջ:
18. Սոյն հրամանագիրը ուժի մէջ կը մտնէ հրապարակման պահէն:
Ռադիկ Խամոյեան
Արեւմտեան Հայաստանի Հանրապետութեան (Հայաստան)
Նախագահ
8 Յունիս 2023 թ.
Արեւմտահայերէնի վերածեց
Մովսէս Նաճարեան
