Արցախէն Օգնութեան SOS Ազդանշան Կը Հնչէ, Իսկ Հայաստանեան Իշխանութիւնները Այդ Ազդանշանը Կը Փորձեն Խլացնել Համերգներով եւ Փառատօներով. Տիգրան Աբրահամեան
29 ՕԳՈՍՏՈՍ 2023 –
Տիգրան Աբրահամեան Facebook-ի իր էջին վրայ գրած է.
«Արցախի իշխանութիւնը` պետնախարարի մակարդակով, մի քանի օր առաջ դիմած է Հայաստանի կառավարութեան` Արցախի մէջ ստեղծուած ծանր իրավիճակին քաղաքական, անվտանգային, իրաւական, տնտեսական, սոցիալական եւ հոգեբանական միջամտութիւն ապահովելու համար:
Հակառակ այն հանգամանքին, որ վերջին շրջանին Արցախի խնդիրը մեծ մասամբ մարդկայնական ծանր իրավիճակի շրջանակներուն մէջ կը քննարկուի, սակայն ատիկա քաղաքական, անվտանգային խնդիրներու չկարգաւորման հետեւանք է:
Հայաստանի իշխանութիւնը իր` Արցախի յանձնողական քաղաքականութիւնը արդարացնելու համար, կը սիրէ վիճակագրական թիւեր ներկայացնել այն մասին, թէ ինչ աջակցման ծրագրեր կ՝իրականացնէ:
Բայց խնդիրը, ինչպէս արդէն Արցախէն կը հնչեցնեն հրապարակային կերպով, զուտ հասարակական հարցերը չեն, այլ այն, որ Հայաստանի իշխանութիւնը Արցախի հարցով կը գործէ թուրք-ազրպէյճանական դաշինքին համահունչ:
Փաշինեանական վարչակարգը նախ ետ կանգնեցաւ Արցախի քաղաքական եւ անվտանգային հարցերուն տէր ըլլալէ, ապա հրապարակային յայտարարեց, որ պատրաստ է Արցախը ճանչնալու ազրպէյճանի կազմին մէջ, ինչով կանաչ լոյս վառեց Արցախի ամբողջական շրջափակման եւ արցախցիներու ֆիզիքական գոյութեան համար:
Արցախէն օգնութեան SOS ազդանշան կը հնչէ, իսկ հայաստանեան իշխանութիւնները այդ ազդանշանը կը փորձեն խլացնել համերգներով եւ փառատօներով»։
yerakouyn.com/2023/08/28/արցախէն-օգնութեան-sos-ազդանշան-կը-հնչէ-ի/
