Շուշան Ղազարյան-իէջէն
05 ՆՈՅԵՄԲԵՐ 2023 – ՀԱՅԱՍՏԱՆ – ՆԵՐՔԻՆ ՔԱՂԱՔԱԿԱՆՈՒԹԻՒՆ:
«Լեռնային Ղարաբաղը միշտ էլ եղել է փող ու իշխանություն խլելու, հարստություն կուտակելու քաղաքական անտեր հարթակ՝ թե Հայաստանի, թե Ղարաբաղի իշխանությունների համար ու այդպես էլ մնաց մինչեւ վերջ։ Ղարաբաղի եւ Հայաստանի կիսաինտելիգենտ ու գավառամիտ նախկին իշխանությունների ընչասեր գործունեության հետեւանքն այսօրվա Արցախի աշխարհագրությունն է։
Բոլորի, անխտիր։
Բոլորն ատելով ատել են Արցախը, Արցախի վերջնական կարգավորման հարցը համարել են մի կոշտ՝ իրենց բարբարոս զվարճությունների խաչմերուկում, ու միշտ շրջանցել են՝ ամեն անգամ այն թողնելով գալիք սերնդի ուսերին։
Այսօր հատկապես տխուր է կրակից բուրդ հանող ՀՀՇ-ի հին գվարդիայի ելուզակների թշվառ ու անգաղափար արձագանքները․ Չգիտեմ, մոռացե՞լ են, որ Ղարաբաղի կործանման այսօրվա քայլերը արվել են դեռ “Ղարաբաղ” կոմիտեի օրոք, որոնց, աչքերը փակ վստահում էր ժողովուրդը։
Այդ հատվածում մեզ համար իրական իշխանությունը Ղարաբաղ կոմիտեն էր, նրանք էլ իրենց արդեն իշխանության տեղ դրած, խափանում էին ԼՂԻՄ-ի հարցի կարգավորման ամեն մի դրական փորձ՝ սկսած ԼՂԻՄ ի ղեկավար Արկադի Վոլսկու առաջարկած 1989թ նախագծից, որն արդեն համաձայնեցված էր Մոսկվայի հետ։
Արկադի Վոլսկին պատահական մարդ չէր, Գորբաչովի մտերիմն էր, խիստ կապված էր Ղարաբաղին եւ ամեն ինչ անում էր մարզը Ադրբեջանի կազմից հանելու եւ Միութենական ենթակայության տարածք հռչակելու համար։
Սակայն Ղարաբաղ կոմիտեն, հետագայում ՀՀՇ հռչակված շարժման ղեկավարները, Ստեփանակերտում Ռոբերտ Քոչարյանի ու նրա “Միացում” խմբի օգնությամբ վիժեցրին այդ ծրագիրը։
Որպեսզի լավ հիշեք Ղարաբաղի անկման ակունքները եւ դրան նպաստող ղեկավարների սեւ գործը, ես կօգտագործեմ իմ օրագրային գրառումները, որոնց մի մասը տեղ են գտել իմ “Խաչվածին մահ չկա” գրքում։
Ամեն ինչ պետք է ժամանակագրական կարգով դասավորել ու ներկայացնել, որ պարզ լինի մեր պատմության մութ էջերն՝ ըստ խրոնոլոգիայի ու այն կերտողների սեւ գործն ու անունները»։
Շուշան Ղազարյան
https://www.facebook.com/shushanghaz
