Արցախի Իշխանութիւնները Կը Հակազդեն Հայաստանի Իշխանութիւններուն Տարածած Կեղծիքին
14 ՅՈՒՆԻՍ 2024 – ՀԱՅԱՍՏԱՆ – ՆԵՐՔԻՆ ՔԱՂԱՔԱԿԱՆՈՒԹԻՒՆ:
Արցախի տեղեկատուական շտապը երէկ տարածած է յայտարարութիւն մը, զոր կը ներկայացնենք ստորեւ.
«Վերջին օրերին Հայաստանի Հանրապետութեան իշխանական շրջանակների կողմից, այդ թւում` Ազգային ժողովի ամպիոնից, կրկին շատ է խօսւում Արցախի Հանրապետութեան հայաթափման պատճառների մասին, եւ հնչում են թեզեր, որոնք աղերս անգամ չունեն իրականութեան հետ:
Արցախի իշխանութիւնները հարկ են համարում ընդգծել, որ այդ գործիչների վրայ է ընկնելու իրենց յայտարարութիւնների պատասխան յայտարարութիւնների հետեւանքները, այդ թւում` երկրի անվտանգութեան համատեքստում, քանի որ հրապարակային ելոյթը ենթադրում է նաեւ հերքում, որը պէտք է անպայմանօրէն հաշուարկել:
Առաջնահերթութիւնը տալով Հայաստանի Հանրապետութեան անվտանգային խնդիրներին` բռնի տեղահանումից յետոյ Արցախի իշխանութիւնները տեւական ժամանակ է ցուցաբերում են զսպուածութիւն, հնարաւորինս զերծ մնում հրապարակային խօսքից, բայց յատկապէս վերջին օրերին տարածուած կեղծիքին պէտք է պատասխանել, որպէսզի հայ ժողովուրդն իմանայ ճշմարտութիւնը:
Անդրադառնալով յունիսի 12-ին Երեւանի Բաղրամեան պողոտայում տեղի ունեցած անհնազանդութեան բողոքի ցոյցին` Արցախի իշխանութիւնները ոստիկանութեանը յորդորում են իրավիճակը գնահատել սթափ, զերծ մնալ անհամաչափ ուժի կիրառումից եւ բոլոր կողմերին կոչ անում ցուցաբերել զսպուածութիւն»:
aztagdaily.com/archives/617186
