10 փետրուար 2016
ՄԱՐԻԱՄ ՓԻԼԱՖԵԱՆ
ԼՂՀ Շահումեանի շրջանի Եղէգնուտի համայնքի Պետրոս Ղեւոնդեանի անուան միջնակարգ դպրոցում տեղի ունեցաւ ֆիլմի ցուցադրում նուիրուած լեգենդար մարտիկին: Նախքան ֆիլմը դիտելը դպրոցի Դաստիարակչական աշխատանքների գծով փոխտնօրէնը աւանդոյթի համաձայն ներկայացրեց հերոսի կեանքը:
Հայ ազատամարտիկ, Արցախեան ազատամարտի հերոս, Արցախեան ազգային-ազատագրական պայքարի կոհորտայի (խումբի-Խմբ.) լաւագոյն ներկայացուցիչ, կազմակերպիչներից մէկը առաջին հայ կամաւորական խմբերի, ովքեր զգալով օրհասական պահը՝ աճապարեցին Արցախ, զէնքը ձեռքներին կանգնեցին ազերական հրոսակների հեղեղի առաջ, սեփական արեամբ ամրագրեցին ազգի լինելութեան գաղափարը:
Պետրոս Արշալոյսի Ղեւոնդեանը ծնուել է 1964 թուականի Յունուարի 30ին, ՀԽՍՀ Նաիրիի շրջանի Պռօշեան գիւղում: Եղել է Շուշի առանձնակի գումարտակի հրամանատարի տեղակալը, Պռոշեանի կամաւորական ջոկատի փոխհրամանատարը: 1990-1994թթ. մասնակացել է ՀՀ սահմանամերձ շրջանների ու ԼՂՀ ինքնապաշտպանական եւ ազատագրական մարտերին: Իր հրամանատարութեամբ գործող գումարտակի հետ նա մասնակցել է Շահումեանի, մարտակերտի, Մարտունու եւ Հադրութի շրջանների տասնեակ բնակավայրերի ազատագրման մարտերին, Քելբաջարի թշնամական յենակէտերի ոչնչացման ռազմագործողութեանը՝ բազմիցս ցուցաբերելով խիզախութիւն ու հերոսութիւն:
Հերոսի անունը կրող դպրոցն ունի իր կարգախօսն ու օրհներգը, որը աշակերտները ամէն անգամ որեւէ հայրենասիրական միջոցառման բացմանը կատարում են:
Մեր կարգախօսն է. «Յետնորդներն ենք մենք մեր քաջ Պետոյի, նրա անուանը լինենք արժանի»:
Օրհներգը յայտնի երգի բառերն են, որը փոփոխել է մեր դպրոցի նախկին տարիների աշխորհուրդը, եւ աշակերտները մեծագոյն սիրով կատարում են.
Եղէգնուտ գիւղի մանուկներն ենք մենք,
Մեր մատաղ սրտում մի երազ ունենք:
Կրկներգ.
Մեր Պետոյին նմանուենք,
Նրա պէս արի լինենք,
Արցախը մեր պապերի
Ծաղկուն ու կանաչ դարձնենք:
Հայրենասէր ենք տոկուն ու արի,
Յոյս ու հաւատն ենք Արցախ աշխարհի։
Կրկներգ.
Մեր դպրոցն յաւէրժ կանգուն պահպանենք,
Սերնդէ սերունդ հանճարներ տեսնենք:
Կրկներգ.
Մեր Պետոյին նմանուենք,
Նրա պէս արի լինենք,
Արցախը մեր պապերի
Ծաղկուն ու կանաչ դարձնենք։
http://horizonweekly.ca
