10 փետրուար 2016
Իրանը կողմնակից է Լեռնային Ղարաբաղի հիմնահարցի երկխօսութեան ճանապարհով կարգաւորման: Այս մասին, ըստ Armenpress.am-ի, յայտնած է ՀՀ-ի մէջ Իրանի Իսլամական Հանրապետութեան արտակարգ ու լիազօր դեսպան Սէյէտ Քազեմ Սաճատին: «Մենք միշտ յայտարարած ենք, որ այս խնդիրը պէտք է լուծուի երկխօսութեան միջոցով: Իրանը մշտապէս եղած է երկխօսութեան կողմնակից»,-ըսած է դեսպանը` բերելով իրենց իսկ օրինակը:
Սէյէտ Քազեմ Սաճատիի խօսքով` Միջուկային ծրագիրի լուծման հարցով Իրանը ապացուցած է, որ երկխօսութեան միջոցով հնարաւոր է լուծել բազմաթիւ խնդիրներ: «Այդ իսկ պատճառով բոլոր երկիրներուն կոչ կ՝ընենք առկայ խնդիրները լուծել այս միջոցով: Յարաբերութիւններու լարումը երբեք նախընտրելի չենք համարեր, քանի որ անոնք կը վնասեն բոլոր երկիրներուն ու ժողովուրդներուն»,- աւելցուցած է դեսպանը:
ԵՌԱԳՈՅՆ
http://www.yerakouyn.com
