Տեառընդառաջի Տօնը Եւ Աւանդական Խարոյկը
Այնճարի Մէջ
Շաբաթ, 13 Փետրուար 2016-ի կ.ե. ժամը 5:00-ին, Տեառընդառաջի տօնին առթիւ՝ Այնճարի «Ս. Պօղոս» եկեղեցւոյ մէջ …տեղի ունեցաւ եկեղեցական արարողութիւն, որմէ ետք եկեղեցւոյ շրջափակին մէջ ժողովրդային տօնախմբութեան ընթացքին՝ աւանդութեան համաձայն Տէր Միւռոն Քհնյ. Աւետիսեան, Տէր Արսէն Աւաք. Քհնյ. Քէշիշեան «Ս. Պօղոս» եկեղեցւոյ Թաղական Խորհուրդը ինչպէս նաեւ նորապսակ եւ նշանուած զոյգերը վառեցին Տեառընդառաջի խարոյկը:
Տօնակատարութեան ներկայ էին մեծ թիւով հայրենակիցներ՝ որոնք Տեառընդառաջի խարոյկէն իրենց մոմերը վառելով Քրիստոնէական լոյսի օրհնութիւնը փոխադրեցին իրենց բնակարանները:
