23 փետրուար 2016
Եթէ Սուրիոյ հողերուն մէկ մասի վերահսկողութիւնը Ասատի իշխանութեան տակ չէ, ատիկա միայն Թուրքիոյ շնորհիւ է: Նման յայտարարութիւն ըրած է Թուրքիոյ վարչապետ Ահմեդ Տաւութօղլուն:
Ինչպէս կը տեղեկացնէ News.am-ը, Al Jazeera-ին տուած հարցազրոյցի ընթացքին Թուրքիոյ վարչապետ Ահմեդ Տաւութօղլուն աղմկահարոյց յայտարարութիւններ ըրած է: Ան յայտարարած է, թէ Թուրքիոյ աջակցութեան շնորհիւ Սուրիոյ զինեալները կրնան դիմադրել Ռուսիոյ, Սուրիոյ կառավարութեան, Իրանի ու Հըզպոլլահի ճնշումներուն:
«Եթէ այժմ Սուրիոյ հողերուն մէկ մասը Ասատի իշխանութեան տակ չէ, ապա ատիկա միայն Թուրքիոի շնորհիւ: Մենք պիտի շարունակենք աջակցիլ ընդդիմութեան»,- ըսած է Տաւութօղլուն:
Տաւութօղլու նշած է, որ եթէ Սուրիայէն Թուրքիոյ վտանգ սպառնայ, իրենք պիտի որոշեն ինչպէս վարուիլ:
Անդրադառնալով Ռուսիոյ հետ յարաբերութիւններուն` Տաւութօղլուն շեշտած է, թէ յարաբերութիւններու բարելաման բանալին ռուսերուն ձեռքն է: Տաւութօղլուն չէ զլացած կրկին ռուսերը մեղադրել Սուրիոյ մէջ բռնութիւններ իրականացնելուն մէջ:
Միացեալ Նահանգներու ու Ռուսիոյ միջեւ Սուրիոյ մէջ հրադադարի հաստատման որոշման վերաբերեալ յայտնած է, թէ Թուրքիան այնքան ալ լաւատես չէ, որ անիկա կը կիրառուի:
ԵՌԱԳՈՅՆ
http://www.yerakouyn.com/
