29 ՓԵՏՐՈՒԱՐ 2016
29 ՓԵՏՐՈՒԱՐ 2016
«Զօրի Զօրեան» երիտասարդական միութեան անդամները Փետրուար 27-ին կազմակերպած էին ուխտագնացութիւն- արշաւ դէպի Ախալքալաքի շրջանի Կարծախ գիւղի Սուրբ Յովհաննէս – Կարապետ եկեղեցի: Եկեղեցւոյ մէջ ԶԶԵՄ-ի երիտասարդները Տէր Տիգրան քահանայի հետ կատարած են տէրունական աղօթքը եւ ստացած են իրենց օրհնութիւնը:
Ըստ Akhaltskha.net-ի` արշաւականները եռագոյն դրօշներով եկեղեցիէն շարժած են դէպի Կարծախ գիւղի մօտակայքը գտնուող սրբավայրը, ուր բանախօս Արտաշէս Շահբազեանը դասախօսութեան ժամանակ ներկայացուցած է 1918-1921 թուականներուն տեղի ունեցած հերոսական ինքնապաշտպանութեան մասին:
Դասախօսութեան ժամանակ բանախօսը տուած է ներկայ երիտասարդներու կողմէ հնչող բոլոր հարցերուն պատասխանները եւ կատարուած են աշխոյժ քննարկումներ:
ԶԶԵՄ-ի կողմէ կազմակերպուող այսպիսի արշաւ- ուխտագնացութիւնները դէպի Ջաւախքի հայկական եկեղեցիներ պիտի ունենան շարունակական բնոյթ եւ պիտի դառնան աւանդոյթ:
ԵՌԱԳՈՅՆ
http://www.yerakouyn.com
