Ազրպէյճան Եւ Իսրայէլ Նոր Տեսակի Անօդաչու Թռչող Սարքերու Միացեալ Արտադրութեան Համաձայնագիր Ստորագրած Են

12 ՅՈՒԼԻՍ 2018 – ՎԵՐՋԻՆ ՀԱՏՈՒԿ ՆՈՐՈՒԹԻՒՆՆԵՐ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:

Ազրպէյճանի պաշտպանական արդիւնաբերութեան նախարարութիւնը եւ իսրայէլեան «Էրոնոթիքս» ընկերութիւնը նոր տեսակի անօդաչու թռչող սարքերու միացեալ արտադրութեան վերաբերեալ համաձայնագիր ստորագրած են: Ազրպէյճանական «Մինվալ» կայքը կը հաղորդէ, որ այդ մասին յայտնած է Ազրպէյճանի պաշտպանական արդիւնաբերութեան նախարարութիւնը:

Փաստաթուղթը ստորագրուած է Ազրպէյճանի պաշտպանական արդիւնաբերութեան փոխնախարար Եահիա Մուսայեւի եւ իսրայէլեան ընկերութեան տնօրէններու խորհուրդի ղեկավար Ետիտիա Եաարինի հանդիպումին ընթացքին:

Կողմերը ընդգծած են տարբեր տեսակի անօդաչու թռչող սարքեր արտադրող «ԱԶԱՏ Սիսթեմզ» միացեալ ձեռնարկութեան բարեյաջող աշխատանքը:

aztagdaily.com/archives/400637