30 ՅՈՒԼԻՍ 2018 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ:
Թրքական լրատուամիջոցները կը հաղորդեն, որ Թուրքիոյ խորհրդարանի նախագահ Պինալի Եըլտըրըմ յայտարարած է, թէ Միացեալ Նահանգներ պէտք է յարգեն Թուրքիոյ օրէնքները:
Եըլտըրըմ նշած է, որ Միացեալ Նահանգներու նախագահ Տանըլտ Թրամփ կը կարծէ, թէ Անգարային սպառնալով` կրնայ ազդել թրքական արդարադատութեան վրայ:
«Թրամփ պէտք է հրաժարի Թուրքիոյ դէմ պատժամիջոցներու մասին յայտարարութիւններէն», ըսած է Եըլտըրըմ:
Թրամփ խոստացած է «մեծ պատժամիջոցներ» հաստատել Թուրքիոյ դէմ 2016-ին Թուրքիոյ մէջ յեղաշրջման աջակցելու համար մեղադրուող ամերիկացի պատուելի Էնտրիւ Պրենսընի ձերբակալութեան պատճառով: «Այդ անմեղ հաւատացեալ մարդը պէտք է անմիջապէս ազատ արձակուի», յայտարարած էր ան:
Թուրքիոյ դէմ պատժամիջոցներու հաստատման կարելիութեան մասին յայտարարած էր նաեւ Միացեալ Նահանգներու փոխնախագահ Մայք Փենսը:
aztagdaily.com/archives/403052
