«Ծովից ծով» Հայաստանի քարտեզն իրարանցում է առաջացրել Թուրքիայում

26 ՀՈԿՏԵՄԲԵՐ 2018 – ՀԱՅԱՍՏԱՆ – ԹՈՒՐՔԻԱ:

Գերմանիայի Հայոց թեմի կողմից Քյոլն քաղաքում կազմակերպված միջոցառման ժամանակ մեծ էկրանին ցուցադրված քարտեզն իրարանցում է առաջացրել թուրքական լրատվամիջոցներում։

Բանն այն է, որ քարտեզի վրա Հայաստանը ներկայացվել է պատմական Հայաստանի սահմաններով, որը ներառում է ներկայիս Թուրքիայի արևելյան նահանգները:

Թուրքական աղբյուրի զայրույթն է առաջացրել այն փաստը, որ գերմանացի քաղաքական շրջանակները որևէ մեկնաբանություն չեն արել այդ քարտեզի վերաբերյալ։

Շեշտվում է, որ քարտեզը մեծ դժգոհություն է առաջացրել վիրտուալ տիրույթում՝ թուրք օգտատերերի շրջանակներում։

Նշենք, որ քարտեզում Հյուսիսային Կիպրոսի ինքնահռչակ թուրքական հանրապետությունը նույնպես ներառվել է Հայաստանի սահմանների մեջ։

Աղբյուր` Medya ege

www.ermenihaber.am/am/news/2018/10/26/Հայաստան-Թուրքիա/140102