Թրքական Պետական Լրատուամիջոցը կը Շեշտէ, որ Անին Եղած է Հայոց Արքաներու Մայրաքաղաքը

18 ԴԵԿՏԵՄԲԵՐ 2018 – ԷՐԿԻՐ – ԱՐԵՒՄՏԵԱՆ ՀԱՅԱՍՏԱՆ – ՀԱՅԱՍՏԱՆ:

Թրքական պետական լրատուամիջոցը կը շեշտէ, որ Անին եղած է հայոց արքաներու մայրաքաղաքը։ Այս մասին կը հաղորդէ Ermenihaber.am-ը։

Անիկա, հայկական Անի անուան ձեւափոխուած, թրքացուած տարբերակն է, որ ստեղծուած է հայկական անուանումը օգտագործելէն խուսափելու նպատակով:

Հետաքրքրական է, որ թրքական պետական «Anadolu» լրատուական գործակալութեան՝ Անիի մասին յօդուածին մէջ կ՝օգտագործուի տեղանունին հայկական տարբերակը՝ Անի:

Յօդուածին սկիզբը կը շեշտուի, որ Անին 961-1045թթ. Բագրատունիներու թագաւորութեան ժամանակաշրջանին եղած է հայոց արքաներու մայրաքաղաքը։

Այնուամենայնիւ, ինչպէս նախապէս, Անին թուրքերու կողմէ կը ներկայացուի ո՛չ թէ հայկական, այլ՝ «ընդհանուր» պատմա-մշակութային արժէք, «տարբեր քաղաքակրթութիւններու օրրան»։

Հրապարակման մէջ անդրադարձ եղած է նաեւ Թուրքիոյ համար Անիի աւերակներու ունեցած զբօսաշրջական նշանակութեան։ Արդէն գրեթէ տարուայ բոլոր եղանակներուն, թէ՛ ներքին զբօսաշրջութեան, եւ թէ՛ արտաքին զբօսաշրջութեան տեսանկիւնէն Անին կը ներկայացնէ մեծ կարեւորութիւն՝ արձանագրելով այցելուներու շարունակական աճ։

yerakouyn.com/2018/12/19/