Ձերբակալութեան Սպառնալիք` Էլենի Թէոխարուսի Նկատմամբ
24 ՅՈՒՆՈՒԱՐ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ: «««Ադրբեջանի Հանրապետության իշխանությունների իրականացրած հանցագործությունները՝ հայերի, տարածաշրջանի այլ ժողովուրդների նկատմամբ»»»
Կիպրոսի Հայ դատի յանձնախումբը երէկ հրապարակած է հետեւեալ հաղորդագրութիւնը.
«Ազրպէյճանի բռնատիրական վարչակարգը, հաւատարիմ մնալով իր բիրտ ու դաժան գործելաոճին, քաղաքական գործիչ, Կիպրոսի «Ալիլլենկիի» կուսակցութեան նախագահ եւ Հայ դատի բարեկամ դոկտ. Էլենի Թէոխարուսը ձերբակալելու եւ արտայանձնելու դիմում ներկայացուցած է Կիպրոսի իշխանութիւններուն:
2015-ին նոյն անհիմն սադրանքով Պաքուն դիմած էր «Ինթըրփոլ»-ին` ձերբակալելու եւ Պաքու արտայանձնելու դոկտ. Էլենի Թէոխարուսը, այն ամբաստանութեամբ, որ ան հակաօրինական միջոցներով այցելած է Արցախ: Այսօր, նոյն մեղադրանքը, նորոգուած ամբաստանագիրի մը միջոցով, յանձնուած է Կիպրոսի ոստիկանութեան:
Կիպրոսի Հայ դատի յանձնախումբը կը դատապարտէ Պաքուի սպառնալիքները` իր զօրակցութիւնը յայտնելով դոկտ. Էլենի Թէոխարուսին, որուն անխոնջ աշխատանքը մեծապէս նպաստած է Հայ ժողովուրդի դատին: Դոկտ. Էլենի Թէոխարուս բազմաթիւ անգամներ այցելած է Արցախ ու իր արտակարգ եւ անգնահատելի օժանդակութիւնը բերած Արցախի դատին: Դոկտ. Թէոխարուս Ստեփանակերտի պատուոյ քաղաքացի է: Ան կը վայելէ համայն հայութեան հիացումն ու յարգանքը»:
www.aztagdaily.com/archives/462094
