«Հիւլէական Զէնքով Պիտի Հակադարձենք Սուզանաւերէ Արձակուած Թեւաւոր Հրթիռներով Ամերիկեան Որեւէ Յարձակումի» Կը Զգուշացնէ Զախարովա
02 ՄԱՅԻՍ 2020 – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ:
Ռուսիոյ արտաքին գործոց նախարարութեան բանբեր Մարիա Զախարովա զգուշացուց, որ Ռուսիան հիւլէական զէնքով պիտի հակադարձէ սուզանաւերէ արձակուած թեւաւոր հրթիռներով ամերիկեան որեւէ յարձակումի:
Զախարովա, մեկնաբանելով ամերիկեան սուզանաւեր հիւլէական մարտագլխիկներով օժտուած թեւաւոր հրթիռներով զինելու մասին ամերիկեան տեղեկատուութիւնները, նշեց. «Ռուսիա այդ քայլը կը նկատէ վտանգաւոր եւ կայունութիւնը քայքայող»:
«Այն ինչ որ տեղի կ’ունենայ, հիւլէական ռազմավարական եւ ոչ ռազմավարական զէնքերու տարածման արգելքի դիտաւորեալ ջնջում է, եւ ատիկա հիւլէական տագնապի մը վտանգը կ’աճեցնէ», ըսաւ ան:
«Այս տեսակէտին համաձայն են ամերիկացի գիտնականներն ու նաեւ Քոնկրեսի անդամներ», աւելցուց Ռուսիոյ արտաքին գործոց նախարարութեան բանբերը:
www.aztagdaily.com/archives/471965
