Լիպիոյ Մէջ Ռմբակոծում` Թուրքիոյ Եւ Իտալիոյ Դեսպանատուներուն Ուղղութեամբ
09 ՄԱՅԻՍ 2020 – ՀԱՅՈՑ ՑԵՂԱՍՊԱՆՈՒԹԻՒՆ – ԿԸ ՅԻՇԵՄ ԵՒ ԿԸ ՊԱՀԱՆՋԵՄ:
Ուաշինկթըն Հաֆթարի Ուժերուն Թրիփոլիի Դէմ Յարձակումը Կը Նկատէ «Վատ Լուր»
Միացեալ Նահանգներ «վատ լուր» նկատեց Խալիֆա Հաֆթարի ուժերուն կողմէ Լիպիոյ մայրաքաղաք Թրիփոլիի դէմ յարձակումը:
Միացեալ Նահանգներու Միջին Արեւելքի հարցերու արտաքին գործոց փոխնախարար Հենրի Ուեսթ յայտնեց, որ իր երկիրը չի զօրակցիր Լիպիոյ ազգային բանակին Թրիփոլիի դէմ գործողութիւններուն` զգուշացնելով, որ յարձակումը ուշադրութիւն կը շեղէ «ՏԱՀԵՇ եւ Քայիտա կազմակերպութիւններուն» դէմ պատերազմի առաջնահերթութենէն:
Լիպիոյ ազգային բանակը երէկ յայտարարեց, որ վար առած է Թրիփոլիի արեւմուտքը թռիչք կատարող թրքական անօդաչու սարք մը:
Լիպիոյ մայրաքաղաք Թրիփոլիի Զաուիաթ Տահման շրջանը, ուր կը գտնուի Թուրքիոյ դեսպանատունը, ենթարկուած է ռմբակոծումի, որուն պատճառով մահացած է երեք անձ, եւ չորս ուրիշներ վիրաւորուած են: Այս մասին կը հաղորդէ թրքական «Հապերլեր» կայքը:
Շրջանը ռմբակոծուած է «Կրատ»¬ներով: Թրքական լրատուամիջոցներն ու Լիպիոյ Ազգային համաձայնութեան կառավարութեան պաշտօնեաները կը նշեն, որ ռմբակոծումը կատարած է Լիպիոյ Ազգային բանակի հրամանատար Խալիֆա Հաֆթարը:
Լիպիոյ համաձայնական կառավարութիւնը յայտնեց, որ Լիպիոյ Ազգային բանակի արձակած ռումբերը Թուրքիոյ եւ Իտալիոյ դեսպաններուն կեցութեան վայրերուն շատ մօտ ինկած են, ինչ որ դիւանագիտական առաքելութիւնները պաշտպանել պահանջող միջազգային օրէնքի խախտում է:
Իտալիան, իր կարգին, բուռն կերպով դատապարտեց ռմբակոծումը:
aztagdaily.com/archives/472480
