Մաքրոն Ալիեւին Խորհուրդ Տուած Է ԵՈՒՆԵՍՔՕ-ի Առաքելութեան Արտօնել Արցախ Այցելել

June 4, 2021 Lousavor Avedis Աշխարհ, Հայաստան 0

Art-A-Tsolum-The-Map-Of-The-Ancient-World-In-Rome-2-678x381 — Here is an ancient world map in the Italian city of Rome, showing neither today's Azerbaijan nor the Ottoman Empire and Republic of Turkey.

Post Views: 603

Մաքրոն Ալիեւին Խորհուրդ Տուած Է ԵՈՒՆԵՍՔՕ-ի Առաքելութեան Արտօնել Արցախ Այցելել

04 ՅՈՒՆԻՍ 2021 – ԿԻԶԱԿԷՏ – ՀԱՅՈՑ ՑԵՂԱՍՊԱՆՈՒԹԻՒՆ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ – Կարդալ նաեւ՝:

Ֆրանսայի նախագահ Էմանուէլ Մաքրոն իր ազրպէյճանցի պաշտօնակից Իլհամ Ալիեւին ուղղուած նամակին մէջ խորհուրդ տուած է դիւրացնել ԵՈՒՆԵՍՔՕ-ի առաքելութեան Լեռնային Ղարաբաղ մուտքը: Այս մասին կը հաղորդէ «ՌԻԱ Նովոսթի»-ն` յղում կատարելով Ազրպէյճանի նախագահի մամլոյ ծառայութեան:

«9 նոյեմբեր 2020-ի եռակողմ յայտարարութեան ստորագրութենէն վեց ամիս ետք պէտք է շարունակել աշխատիլ կայուն խաղաղութեան պայմաններ ստեղծելու համար», իր նամակին մէջ նշած է Մաքրոն:

Ֆրանսայի նախագահը մասնաւորաբար կ՛ակնկալէ, որ Հայաստանի եւ Ազրպէյճանի միջեւ խաղաղ սահմանագծում կ՛իրականացուի, գերիներն ալ ազատ կ՛արձակուին:

«Կարեւոր է նաեւ, որ շրջանի ամբողջ ժառանգութիւնը պահպանուի իր բազմազանութեամբ: Այս առումով խորհուրդ պիտի տայի դիւրացնելու ԵՈՒՆԵՍՔՕ-ի առաջարկած առաքելութեան մուտքը», նշուած է նամակին մէջ:

Յիշեցնենք, որ ԵՈՒՆԵՍՔՕ-ի ընդհանուր տնօրէն Օտրի Ազուլէ անցեալ տարուան նոյեմբերին Հայաստանի եւ Ազրպէյճանի ներկայացուցիչներուն հետ հանդիպումներու ընթացքին առաջարկած էր փորձագիտական առաքելութիւն ուղարկել Արցախ` պաշտպանելու համար մշակութային ժառանգութեան կառոյցները: Մարտի կէսերուն Ազրպէյճանի նախագահի օգնական Հիքմեթ Հաճիեւ մամլոյ ծառայութեան յայտնեց, որ Պաքու պատրաստ է ընդունելու ԵՈՒՆԵՍՔՕ-ի առաքելութիւնը, սակայն այդ այցելութեան օրը մինչեւ հիմա տակաւին չէ որոշուած: