Թուրքիոյ Արտաքին Գործոց Նախարարութիւնը Յոյս Կը Յայտնէ, Որ Հայաստանի Մէջ Ընտրութիւնները «Խաղաղութիւն Պիտի Բերեն»
29 ՅՈՒՆԻՍ 2021 – ԿԻԶԱԿԷՏ – ՀԱՅՈՑ ՑԵՂԱՍՊԱՆՈՒԹԻՒՆ – ՄԻՋԱԶԳԱՅԻՆ ՔԱՂԱՔԱԿԱՆՈՒԹԻՒՆ – Կարդալ նաեւ՝:
Թուրքիոյ արտաքին գործոց նախարարութեան բանբեր Թանժու Պիլկիչ Թուրքիոյ արտաքին քաղաքականութեան օրակարգին վերաբերեալ մամլոյ ասուլիսի ընթացքին անդրադարձած է Հայաստանի Հանրապետութեան մէջ արտահերթ խորհրդարանական ընտրութիւններու արդիւնքներուն: Այս մասին կը հաղորդէ «Անատոլու» լրատու գործակալութիւնը:
Ան մաղթած է, որ ընտրութիւնները Հարաւային Կովկասի մէջ խաղաղութիւն եւ կայունութիւն կը բերեն:
«Մինչեւ օրս Հայաստան ամէնէն շատ տուժած է շրջանային մեքանիզմներէն դուրս մնալէն: Այս ծիրին մէջ` յոյսով ենք, որ Հայաստանի ղեկավարութիւնը, որ իշխանութեան կու գայ, պիտի հետեւի դրական օրակարգին եւ իր տեղը գրաւէ շրջանային համագործակցութեան նախաձեռնութիւններուն մէջ: Իր վերջին այցելութեան (Շուշի, «Ա.») ժամանակ, մեր նախագահը ըսաւ, որ եթէ տեսնենք այս բարի կամքը, ապա Հայաստանին նոյն կառուցողական պատասխանը պիտի տանք», նշած է Պիլկիչ:
aztagdaily.com/archives/513968
